السلام عليكم و رحمة الله و بركاته
بلاشر من NYX - نيكس , اسمه 03 تي روز - Tea Rose # 03 , سعره 31 ريال / سعودي , أشتريته من سنتر بوينت فرع شارع الأمير سلطان .
ثباته متوسطه لعاليه اذا ثبتي ببودره دا و أنا بشرتي مختلطه فا أتوقع للجافه يكون الثبات عالي , كيف أنا أستخدمة بما أنه بشرتي مختلطه فا لازم أحط شويه منه عشان لا ينقلب ضدي جربت بأصباعي و بفرشة الاستبلينق كلهم ماحبيتهم حسيت اللون يتلطع الين قررت استخدم فرشة البلشر من ريل تكنيك و احط بيد خفيفه الين اوصل للون الي ابيه و دي أكثر طريقه ناسبتي و أثبته بشويش بالبودره حق وجهي لانه مالقيت بلشر بودره مناسب له هو لوحده حلوه .
مميزاته , يعطي مظهر حيوي للوجه لأنه كريمي شي غير عن البودره , في الصور مايبان مزيت بالعكس , يعطي مظهر صحي , دا اللون بالذات جمييييييل جاي على لحمي وردي لون مره حلو , حطيته على درجات بشره مختلفه كلهم ناسبهم ماعدا السمراء ماراح يبان , بعد ما أثبته بالبودره لثلاثه ساعات قدام ما أحتاج أعيد عليه , مناسب لجميع الأوقات بس غالبا أنا أستخدمه في الليل , المنتج يحتوي 3.5 جرام و بما أنك تحتاجي كمية بسيطه منه فا راح يجلس عندك , العلبه شكلها عادي أنا اشوفه مرتب و نيكس دايما تعليبهم حلو .
عيوبه , أحس أنه سعره غالي شويه على نيكس , كالعاده أي شي كريمي يجمع عنده أي شعره من فرشه و لا رمشه و ينرفز دا الشي , مافي ألوان كتير الي شفتها 3 ألوان و دا كان أخف واحد و أكثر واحد مقبول أتذكر أنه كان في أحمر معرف كيف ينحط دا .
التقييم /B .
و شكرا لكم و ان شاء الله عجبكم الموضوع أشوفكم على خير
No comments:
Post a Comment
لأي استفسار أتفضلوا...®