2015-07-15

تجربتي في صبغة الشعر من لاكمي و ارت كولور للون رمادي زيتوني و طريقة الصبغ بالمنزل





























بسم الله الرحمن الرحيم 


اهلين بنات انا رناد اخت رنيم كنت في معرض بساط الريح و جوني بنات كثير سألوني عن صبغة شعري و يبغو الطريقه و هيا طريقتها يعني شويه يبغالها شغل و ارقام الصبغه و كلام فما قدرت اخد راحتي و اقولهم الطريقه و اعطيتهم الاكاونت عشان من جد اباهم يستفيدو و الكل يستفيد .

طبعا انا اول شي الي حابه تسوي سحب لون دا شي راجعلها انا عن نفسي نصص شعري كان فيه سحب لون و طلعلتي جذور حق اصباعين سار شعري نص اسود و الباقي كدا الصبغة القديمه على اشقر فاتح . 


* اول خطوة *


جبت صبغة من لاكمي رقمها 0/00 , و معاها علبة اكسجين , جبت وحده بس افتح بيها جذوري يعني الجذور بس فتحتها ما عملت عليها سحب لون طيب, لمن وزعت على الجذور شويه نزل على الي انا ساحبه فيه لون .


النتيجة : انو الشعر الاسود سار اورنج اورننج .


 الي ساحبة فيه سار اشقر فاتح زي ما قلت انا بس على الجذور و نزل شوية من صبغة التفتيح على الي مسحوب فيه و سار شقاااار بزياده يعني الي كانت مسوية سحب لون راح يرجع شعرها يفتح كانو اول مره عجبني انو ما احتجت لا لبودرة تفتيح ولا شي ,والجذور فتحت على اورنج بس عادي لا تنفجعي دي الخطوة الأولى . 


سعر صبغة التفتيح : 25 ريال / سعودي .

سعر الاكسجين : 10 ريال / سعودي .








* الخطوة التانية *


انا شعري تحت كتفي بي ٥ اصابيع فأحتاج صبغة لشعري ٣ علب زي ما انتوا شايفين في الصوره .







٣ علب من الاشقر درجة 12/10 طبعا اخدتها من مدح التاجره الي اشتريتو منها لاني ما قد جربت فيها شي ما اعرف الممهم اخدت مني دي العلبه ٣ و لازم مع كل علبة صبغة تاخدي عدد الاكسجين يعني اخدتي ٣ علب صبغة تاخدي ٣ علب اكسجين طيب .

سعر علبة الصبغة الشقرا : 25 ريال / سعودي .

الاكسجين : 10 ريال / سعودي .













و بعدين اخدت لون اخضر من لاكمي و اخدت لون ازرق من ارت كولور ، شوفو انا في البداية طلبت كلو لاكمي بس التاجره ما اتوفر عندها ازرق من لاكمي و قالتلي الماركة التانيه كويسه و فعلن لقيت صورة علبة الصبغة دي في جوالي قد سألت وحده عن صبغتها و ورتني العلبة طلعت صابغة بيها و كان اللون خيال فوثقت الي هيا ارت كولور .















سعر الصبغة الزرقة من ارت كولور : 25 ريال / سعودي .

سعر الصبغة الخضرا : 25 ريال / سعودي .


بعد ما فتحتي شعرك اتروشي و نشفي شعرك ودي الخلطة الي حتزبطلك اللون , العلب الشقره كلها فرغيها مع الاكسجين اما اللون الازرق و الاخضر انتبهي حطي شويه يا دوب عصرتين , ولو انتي حابة رمادي زودي اللون الازرق و لو تبيه زيتوني زودي الاخضر , شوفو كيف كمية العصر و دا يعتبر اني انا مزوده  

( اللون الازرق والاخضر ما يحتاجو اكسجين نكتفي بالاكسجين الي مع العلب الشقرا )







المهم انا فكرتي لمن زودت الازرق قلت عشان ابغاه يسير رمادي اما لو تبغيه زيتوني زودي الاخضر و خففي الازرق , بنات التاجره قالتلي حطي حق معجون كدا هه يادوبك عصره وحده من كل لون عشان لا يلون شعرك بس انا زودت من عندي والاكسجين المفروض تحطي ال٣ علب بس انا حطيت علبتين و نص ! ليش ؟ 

عشان يقولك بعد فترة لو شعرك فتح بزياده حسيتي شويه خبص معاكي ايش تسوي؟ 

تمسكي شوية اكسجين مع لون ازرق او لون اخضر مع بلسم شوفي يا بلسم عادي او بلسم الي لونو يجيكي موف و تخلطيهم و تحطيهم على شعرك اسمها رنساج ريساج دي الخطوة يعمل على اطفاء اللون الاشقر و الاورنج المزعج و اذا تبي ترجعي تخلي اللون غني .



انا احكيكم دحين ايش سار في شعري , شفتو الجذور الي كانت اورنج يا بنات ؟ 


صار لونها زيتوني يجنن يجننن مره عجبتني الجذور اما باقي الشعر الي مسويه عليه سحب مسك فيها اللون الازرق لون ازرق ما يمزززح بس شوفوا كل ما اتروش اللون الازرق بينزل و بيسير لون الشعر تقريبا زي الجذور من جد الصبغه خيال و يا بنات لازم تصبغيها قبل مناسبتك باسبوعين اسبوع عشان تتتروشي لحد ما ينزل اللون الازرق و يبان معاكي الرمادي الزيتوني 


و اتوقع الي مو عامله سحب بمجرد هيا فتحت و سار اورنج بيسير معاها الزيتوني زي جذوري فشوفو اصبغو و ضيفونا على السناب ورونا نتايجكم وايش يسير معاكم  .

دا حسابي في انستقرام : Raneem_ism 

حساب التاجره بانستقرام : Proteiniya 




3 comments:

  1. كيفك حبيبتي انا صبغه وطلع على حمر وطلبت صبغه لاكمى ازرق بس جابولى 0/10 ينفع اسوى بيها رنساج ولى اى

    ReplyDelete
  2. باسال صبغة كلور ارت او ارت كلور يحتاج اكسجين؟

    ReplyDelete
  3. Anonymous11/27/2022

    سلام عليكم عيزاكي تتواصلي معايا بدي صبغات للشعر

    ReplyDelete

لأي استفسار أتفضلوا...®