السلام عليكم و رحمة الله و بركاته
المجموعه عباره عن منتجات كلها خاصه أنها تعملك أساس وجهك كامل , ماركة بنفت - Benefit , الدرجة 1 ( فاتح ) متوفر بس درجتين ( 1-2 ) سعره 189 ريال / سعودي , اشتريته من سيفورا ( رد سي مول ) , مميزاته الفكرة حلوة و دايما بنفت توفر مجموعات زي كدة , فيها كل الي تحتاجي للوجة ( برايمر- أساس - خافي العيوب ( كونسيلر )- بودره - فرشة للبودره) و كمان تقدري تجربي كم شي من الماركة بحجم صغير و تشتري لو شي مره عجبك بحجمه العادي بعد كدة بدل ما تخسري مبلغ كبير في شي واحد بس و عندهم مجموعات للحواجب و للبلاشر أحسها فكرة حلوه انه لمن تكون أحجام صغيرة ما تجلس فتره طويله و كمان مناسبه للناس الي ماتحط مكياج دايما فتشتري مجموعه كامله بدل أساس كبير يجلس كم سنه .
عيوبه الدرجات بس أثنين ( سمعت أنه في درجة ثالثه بس البنت لمن ورتني بس ورتني اتنين معرف اذا من دوله لدولة يفرق ) و جدا ماناسبني حسيته افتح كمان لمن حطيته على وجهي الكونسيلر يقلب رمادي على طول و البودرة تكتل حتى لمن استخدمتها مع كونسيلر تاني لكن جربتها على شخص تاني كانت كويسه و الكونسيلر و البودرة ما أتكتلوا فيفرق من شخص للتاني بس برضه ماهو أفضل الموجود أنا أحسه مناسب للبشره الجافه أكثر من المختلطه دا عن تجربتي الخاصه فقط .
التقييم /
C .
C .
No comments:
Post a Comment
لأي استفسار أتفضلوا...®