مكياج خريف 2013 - Fall 2013 Makeup Trends

السلام عليكم و رحمة الله و بركاته 

حنودع الصيف و الألوان الصارخة و حناخد منه بس الحراره و الدفأ بالألوان الي حندخل فيها على الخريف , طبعا كل انسان و له تفضيلاته في الألوان الي يحبها لكن أنا أشوف الموضة و تغيير الألوان يخليك تجربي أشياء جديدة و تكوني دائما متجددة ما تكوني حبيسة الروتين .

نبدأ بالمظهر العام لهذا الموسم اولهم المكياج الدخاني للعيون , المكياج الغامق في الشدو و الروج و أحمر الخدود والشدو الميتاليك .

بعدها نتكلم عن ألوان الشدوهات الي ممكن تعتمديها لعيونك الأسود , البني , الزيتي , الموف الغامق , الرمادي الغامق , العودي , الكحلي , العنابي و اخيرا لمسة من اللون الذهبي كأضاءه أو في وسط العين .

بالنسبة للأرواج أقوى لون بالنسبه لدي السنه هو الموف الغامق ( صعب لبسه و يبغاله جرأه ) , العنابي ( موف على عودي ) , العودي .والأورنج الي رايح على أحمر و يفضل يكون مطفي .

طبعا أتوقع اللوك و الألوان بالنسبه للعرب دائما يستخدموها و مناسبة لهم و لكن الي ما تحب الألوان الغامقه و ما قد جربتها تدي لنفسها فرصة دا الموسم و تبدأ مو شرط في المكياج ممكن في المناكير او الملابس و طبعا في النهاية كل وحدة تاخد الي تحبة و يناسبها من الموضة و تسيب الباقي لكن مايمنع إنه نخرج شوية عن دائرة الأمان حقنا من فترة لأخرى , ان شاء الله تكونوا أستفدتوا و لو شي بسيط من الموضوع و شكرا.