اليوم الريفيو عن مجموعة استي لودر أنا ليه شهرين بستخدمهم فا حسيته مناسب اني أعمل ريفيو عنهم , الاسعار و مكان الشراء تلاقوها هنا
نبدأ مع Advanced Night Repair , مميزاته ماراح أقول انه يشيل الحبوب طبعا ولا تتوقعي انه يعمل كده هو بس يصلح أضرار البشره أثناء النوم في الليل و يخلي وجهك مستعد أنه تاني يوم الصباح يكون جاهز انك تحطي المكياج أو انك تستقبلي يومك بإشراق p: لو نمت يوم من غيره أقوم احس شعور اني وجهي ( ملطش ههه ) بس مع السيروم تحسي بشعور ثاني ما يخلي في وجهك شكل انه تعبان لم تقومي من النوم فا أكيد حستمر أستخدمه و أنصح به يكون في مجموعة عناية بشرتك , مايخلي وجهك مزيت على طول تمتصه البشره و ينشف و كل مايكون الشخص أكبر في العمر أتوقع أنه حيلاحظ أنه وجهه مشدود كمان و سمعت عن سيروم عند كلارينس نفس المواصفات ممكن أجربه لمن يخلص حقي عشان أقارن , عيوبه ماينفع في السفر أبدا لأنه القطاره حقه جلده تخرج لو سحبتيها من فوق فا أنفتحت في الشنطه و خرج من الزيت على الأشياء و كمان أنه قزاز فا لو طاح اتوقع على طول ينكسر فاحطي في مكان امن , اخر شي هو عيب و ميزة في نفس الوقت ينشف بسرعه مرررره فا أحس لازم بسرعه أحطه على وجهي قبل ماينشف .
التقييم / B .
الكريم ينحط بعد الزيت اسمه Time Zone Cream , مميزاته الصراحه أحلى مافي ريحته , قويه في البدايه بس لمن تنامي تحسي الريحه كلها حولك و تحسي بشعور نظافه و انتعاش هههه بس الريحه ريحة كولونيا ممكن ماتناسب الكل يحتوي حمايه من الشمس بنسبة 15 % مكتوب عليه يحارب التجاعيد , عيوبه ما أحس ترطيبه يجلس كتير - ماينفع ينحط قبل المكياج كمرطب حسيت عمل طبقه على وجهي .
التقييم / A .
أخر شي كريم Advanced Night Repair Eye , مميزاته أنا كنت ابغى كريم يساعد أنه يشيل الجفاف الي بعض الاحيان يطلع لي حولين عيني فا مرره أتحسن الجفاف و صار نادرا يجيني و حتى لو جا يكون بصوره جدا اقل من زمان و شويه منه تكفي ماتحتاجي كميه كبيره و طبعا برضه ينحط في الليل قبل النوم , عيوبه لو دخل شويه على عيوني على طول يحرقني احس .
التقييم / B .
المجموعه ككل تقييمها
التقييم / B .
و ان شاء الله يكون افادكم الموضو
No comments:
Post a Comment
لأي استفسار أتفضلوا...®