مفضلات شهر ذو القعدة / September Favorite

السلام عليكم و رحمة الله و بركاته 

أول مرة أسوي مفضلات للشهر و لكن حسيت دا الشهر في كم شي 

يستحقوا أني اوريكم هي فقلت خليني أجرب :)

العناية الشخصية 

1- زبدة الجسم من سيفورا 

أستخدمها بس بعد الأستحمام , طبعا بما أنها زبدة فاقوامها حيكون ثقيل شوية لكن ما حسيت أنها تجلس وقت طويل على ماتنشف بس رطبت جسمي و أحسه ناعم مره حبيتها, وريحتها معرف يمكن خيار ههههه , ماحسيت الريحة أزعجتني مع اني ما أحب ريحة الخيار .

2- سيروم ايستي لودر 

Advanced Night Repair

 هنا ريفيو  عنه اذا تحبوا ترجعوا له .

و أذا تحبي تعتني ببشرتك لازم يكون من ضمن مجموعتك .

------------------------------------------------------

المكياج 

1- شدوهات TOM FORD 

BURNISHED AMBER 06

حقيقي أتعب أقول قد ايش أحب دي الشدوهات أعتقد من يوم ماأشتريتها و أنا بس أستخدمهم وأرجع له كثير سواء كان مكياج خفيف أو ثقيل و ألوانه جدا مناسبة للخريف و حتكون من المفضلات دائما3>.

*الريفيو .

2- روج ماركة Seventeen

رقمه : 8

لون الروج خطيير عودي غامق أو بني محمر  مو باين في الصوره لكن على الشفايف يتغير , أعتقد دا اللون الي أكثر بنات الجامعه يدوروا عليه و طبعا أنا كنت أدور عليه دايما لمن كنت أحطه تجي بنت تسألني عنه , لحد الان , مره حلو و طبعا مطفي دا الروج عندي من زمان  بس لونه أحس مو دايما ممكن تلاقي مثل درجته بالضبط  و بما أنه موسم الروج الغامق فا هذا جدا مناسب.

3- مناكير ماركة ESSie

أنا حبيت لونه لأنه كان نفس الي في بالي بس ثقيل قوامه شويه , للأسف مو موجودة في جده الماركة تلاقوها في الرياض و دبي لكن ماأعرف فين يمكن هارفي نيكلز بس اللون ممكن تلاقي في أي ماركة لون مثله .

4- فرشة المكياج من Real Techniques

اسمها Stippling Brush

هذه الفرشة تنباع منفردة ماتجي في مجموعة 

أشتريتها من أمريكا من Ulta ,أنا ماكنت أستخدمها كثير بس بعد أساس سماش بوكس جلست أدور حلول له عشان أحسنه فكانت جدا مناسبه له.

منوعات

1- شمعة من Bath & Body 

أنا ما أحب الشموع الي ريحتها كلونيا فا دايما أدور على ريحة زي الفواكه أو شي لذيذ p: زي الكب كيك و ما أتوقع أنه في أحد مايحبها فا أكيد أبغى غرفتي تكون ريحتها كب كيك أو كريمة الكب كيك .

2 - مصغر نوتيلا ( Mini Nutella )

أشتريتها من دبي , و طبعا جلست أفكر أكلها ولا أخليها زينه و أستقريت

أني أكلها و أحتفظ بالعلبه.

مما قرأت .. أعجبني ..

" لماذا يصر الرجل الشرقي على ترك منابع  المياه النقية,ليرتوي من مياه ملوثه تصطاده بخداع الألوان الرخيصه؟ "

                                                            محمد فهد الحارثي 





و ان شاء الله كان الموضوع خفيف و مرتب لكم...