السلام عليكم و رحمة الله و بركاته
ماسكارا ضد المويه من Maybelline , اسمها The Turbo Volume Express , سعرها 41 ريال / سعودي , أخذتها من صيدلية بوتس فرع سوق حراء الدولي .
حبدأ بالعيوب عشان أتكلم بالترتيب , أول ما تفتحيها تكون مرره سائله كأنها مويه , و ماحبيتها , تسيح على طول و ماكانت ضد المويه , لازم تحطي عشره طبقات و تعيدي كم مره حتى تعطيكي الكثافه الي تبغيها , تعليبها وحش و الاسم يتمسح و يتقشر , لازم تفتيحها و تسسيبيها كم اسبوع بعدين ترجعيلها حتى تثقل كثافتها , من أكبر عيوبها طبعا لانها ضد المويه صعبه تنشال جربت مع مناديل ازاله المكياج مع محلول بايوديرما ماكو فايده لازم تعيدي كم مره حتى تنشال 100 % , فا ماتنفع للاستخدام اليومي عشان الوضوء و صعوبه ازالتها , مشكلتها يبيلها طولت بال تصبري عليها هههههه , و كمان ما انتبهت اذا في نفس النوع بس مو ضد المويه لو لقيت اكيد حجربها و اعملها ريفيو .
و نروح على المميزات , بعد ماسيبتيها كم أسبوع تبدأ تحطيها و تكون من جد ضد المويه , ثابته جدا , سوادها جدا غامق و كثيف كثير لاحظوا دا الشي , تعطي طول و كثافة بالنسبه لنوعية رموشي طبعا , فرشتها عباره عن شعر مو بلاستيك فا احسها أنعم على رموش العين , كم مره انسأل أني حاطه رموش تركيب لمن أحطها حتى بابا فا بعدها قلت لا اكيد دي الماسكارا رائعه مدام دايما يفكروا انها تركيب كمان لو حطيتيها مع ماسكارا ثانيه مكتفه حتكون واو بس ممكن تكتل فا فرقي الرموش بعدين بفرشة الرموش , أتوقع أشتريها ثاني لو ابغى ضد المويه بس اشتريها قبلها بفتره عشان افتحها و اسيبها شويه.
التقييم /
C
ريفيو عن ماسكارات أخرى /
No comments:
Post a Comment
لأي استفسار أتفضلوا...®