السلام عليكم و رحمة الله و بركاته
بودره من ماك / MAC اسمها منرلايز سكين فينش ناتشورال . سعرها ١٤٠ ريال / سعودي أشتريتها من محل ماك في التحلية سنتر , ثباتها متوسطه الى عاليه ,بالنسبه لتغطيها فا هي مصححه للون أكثر من انها تغطي يعني لازم تحتها أساس تغطيته عاليه وهذا الي أنا أفضله .
مميزاتها أول ما تشوفيها لمن تدققي تلاقي فيها حبات لمعه بسيطه طبعا في الوجه ماتبين لكن عملها تعطي نضاره للوجه , خفيفه على الوجه عشان كده اسمها Natural تبان من ضمن الاساس مو طبقه فوقه , تطفي اللمعه الي في الوجه بس ماتخلي وجهك مسطح زي بعض البودرات , طبعا كويسه للتعديل طوال اليوم لانها ماتبني طبقات على البشره و أستخدمي ماك فيكس بلس برضو , ذراتها صغيره , تصحح لون البشره , العلبه حلوه طاحت مني مليون مره ما أتكسرت الحمدلله مرات الغطاء الشفاف يخرج بس يرجع يتركب عادي , أنا افضلها عن البودرات المضغوطه من ماك.
عيوبها مافيها ألوان كثيره تناسب كل البشرات , بالنسبه لتحت العين مرات مو دايما تكتل شويه يعتمد على نوع الكونسيلر و الفرشه و كذه أنا أستخدم يا أسفنجه يا فرشه ريل تكنيك الصغيره لتحت العين setting brush .
 |
| اللون أغمق بس مع الأضاءه باينه أفتح |
التقييم /
B
No comments:
Post a Comment
لأي استفسار أتفضلوا...®