بسم الله الرحمن الرحيم
قبل فتره سنحت لي الفرصه أني احضر لقاء تعريفي عن ماركة بيزلين , كان لقاء جميل مرتب مليء بالمعلومات عن منتجات حاليه و منتجات جديده راح تنزل , و كان كرما منهم انهم أعطوني بعض المنتجات حتى أقيمها و الأهم أنهم قالوا متقبلين رأيكم سواء كان ايجابي أو سلبي لأنه غايتنا نحسن نفسنا , فا أكيد تقييمي ماراح يتأثر بشيء راح أعطي رأيي الصادق .
نبدأ بأول معلومه مهمه أنه اسم الماركه ينكتب بيزلَين بفتحه و ينطق بيزلاين وليس بيزلييين , فهذه نقطه كانوا هم حابين تتوصل لمتابعاتي و ان شاء الله ماتنسوها , هي شركة لبنانيه لها باع طويل و منتجات كثيره للبشره , للشعر و منتجات للتبييض و كلها خاليه من العطور و طبيعيه 100% يعني ماراح تسبب حساسيه و مناسبه للصغار و الكبار , من مكوناتهم الطبيعيه العسل , العسل الملكي , شمع النحل , و مضادات طبيعيه للحمايه كلها من النحل يستخلصوها .
الماركه منتجاتها متوفره في الدول العربيه و الخليج بالسوبر ماركت كالدانوب و بنده ..الخ و الصيدليات جميعها مثل النهدي , أنا الصراحه من عالم التدوين كنت أعرف المرطب و الاقنعه الخاصه بالبشره الكل يمدحها الصراحه لكن ماحصلي الفرصه لتجربتها فا اليوم أنا قدام أستخدام لأول مره .
نبدأ اول شي مع مرطب الشفاه الطبيعي الخالي من العطور مبدأيا ملمسه جميل على الشفاه .
هذا المرهم لفت نظري بانه مناسب للحج و العمره لانه خالي من العطور و مناسب للناس الي تمشي كثير و تصاب بتسلخات فا هو علاجي لانه فيه فيتامينات مجدده للبشره و واقي في نفس الوقت تحطي قبل .
و هذا كريم لتبييض الاماكن الحساسه مناسب مع الليزر و تجي معاه صابونه مبيضه ان شاء الله أشتريها و أستخدمهم مع بعض و كمان في كريم مرطب للجسم كامل مبيض كمان و كلها مواد طبيعيه
و هذا الشيء الجميل هو معطر و مبيض للمناطق الحساسه تحطي و ينشف على طول .
مزيل للعرق برضو مواد طبيعيه و له روائح متنوعه .
صابونه لتنظيف و تبييض الوجه بستخدمها حاليا مع الكلارسونيك و حشوف النتائج ان شاء الله .
بالأخير اقنعه متعدده للبشره و الشعر و مقشرات للجسم حتكلم بالتفصيل عنها ان شاء الله في بوستات جايه , و الجديد النازل قناع للوجه و الرقبه .
و بس هذه كل الاشياء انتظروا الريفيوهات في الايام القادمه ان شاء الله .
No comments:
Post a Comment
لأي استفسار أتفضلوا...®