ريفيو : اضاءة ذا بالم ( ماري لو - ساندي لو - بيتي لو ) / Review : the balm lou manizer

بسم الله الرحمن الرحيم

السلام عليكم ، وحشتووووني مررره ، اليوم بتكلم عن شي مشهووور جدا , اضاءات من ماركة ذا بالم , اشتريتها من موقعهم مباشره وقت التخفيض و صار سعرهم مره رخيص يمكن 80 ريال / سعودي .

أنا عندي الثلاثه اضاءات ( ماري لو - ساندي لو - بيتي لو ) حتكلم عنهم بشكل عام و بعدين حفصلهم .

مميزاتهم بشكل عام , جدا ناعمين و القليتر صغييييير , يبان لونهم من اول مسحه و اول مسحه بسيطه كمان ماتحتاجي حتى تحفري فيها حتى تبان , اشكالهم كيوت و الباكج يجنن كاشكل خارجي , فيها مرايا و دا شي مره حلو , كميتها كبييييره , تجلس للابد عندك لو حافظتي عليها , الوانها متعدده و كل احد حيلاقي لون يناسبه سواء سمرا او بيضا او وسط , مره جميلين و كل بنت لازم تجربها و مااتوقع انها بتندم , و كمان ممكن تستخدم ايشدو على الجفن او الذهبيه تحت الحاجب حتى .

ماري لو , لونها ذهبي فااتح مافيها لون اصفر , تناسب الحنطيه و البيضا و السمراء لازم تنتبه لانه ممكن تبان رمادية عليها , ما تنفع لكل يوم الا لو يدك مره خفيفه ممكن بس مااعتمدها كثير للنهار , و هي اختياري الدائم للسهرات لدرجة اشتريت وحده ثانيه باك اب هذه الاضاءه من اجمل الاضاءات الي قد مرت علي بحياتي و مااتوقع القى شي بديل لها لانها ماتمسك في الاسااس و تندمج زي الزبده و لونها قوي .

ساندي لو , اقل وحده احبها او بالاحرى تورطت فيها هههه لانها وردي على ذهبي انا اميل للاضاءات الورديه الي فيها فضي , تنفع للبنت البيضا , و الباقيين تنفع كابلاشر و كمان مو بلاشر لوحدها لازم قبلها بلاشر وردي مطفي و بعدين هي فوقه تعطي لمعه و مو الكل يفضل بلاشر بلمعه بالذات لو عندك حبوب او مسامات في الخد واضحه و ماتبغيها تبان , فابنظري مو مهمه ابدا و ماتنفع اضاءه على الخد لانه فيها لون .

بيتي لو , هذه مخصصه للوك البرونزي او البنات السمر , برونزيه و فيها لمعة ذهبي , لازم تحطيها بفرشة منفوشة و يدك خفيفه انا استخدمها فوق البرونزر و لمن اسوي تان لانه على لوني الحنطي تبين رمادية شوي و غامقه , لو كنت سمراء احس ضروري تكون عندك راج تعطب بشرتك توهج و حياه .

سلبياتها بس انها تتكسر بسرعه , فا نصيحه بسيطه لكم , امسكوا قطنه خفيفه او اقسميها نصين و حطيها على الاضاءه و قفلي عليها راح تضغط عليها و تحميها من انها تتكسر .

و بالنهاية الي مره مره انصح فيها هي ماري لو اموت فيها مرررره .

 التقييم /
A