بسم الله الرحمن الرحيم
السلام عليكم ، كيف حالكم ؟ ان شاء الله طيبين ، كلنا نبحث عن كونسيلر يكون سحري و يعطينا الي نتمنى من تغطيه و مايخطط و كريمي ، اليوم جبت لكم كونسيلر اتوقع هو رقم واحد و غلب كونسيلر نارس رادينت كريمي كونسيلر ، اليوم بيكون الريفيو عن اجدد كونسيلر من اربن ديكاي ، سعره ممكن 120 او اقل ما اتذكر متوفر في سيفورا اسمه نيكيد فا خلونا نشوف تجربتي و رأيي فيه .
مميزاته ، كريمي جدا و يرطب تحت العين بشكل جميل ، يتمد بسهوله , تغطيته متوسطه بالنسبه لي لازم احط طبقتين ، فيه درجات مختلفه في الدافي على اورنج وفي الطبيعي و ينكتب عليهم كلهم ورم او ناتشورال ، الفرشة حقه شكل جديد و مره تجنن توزع الكونسيلر بمسحه وحدة و تدخل مع منحنيات العين ، و انا عني احط من الجنب الاول بالعين و اقلبها واحطها بالثانيه ، تغطيته متوسطه مقدر احطه لوحدة لانه عندي هالات ، يتثبت بالبودره و يصير زي الفوتوشوب ، جدا عملي و رجعت اشتريت منه ثاني و بشتري ثالث و رابع من افضل الكونسيلرات الي جربتها يستحق تجربوا الصراحه .
العيوب ، يخلص بسرعه -_- يقهر دا وانا مااحطه كل يوم لاني انوع بين الكونسيلارت بس من جماله تقدري تتغاضي ، و في مشكله انه يتاكسد تاخذي درجة تشوفيها مناسبه و لمن تجلسي فيه تلاقي صار اغمق ، فا انتبهوا لمن تختاروا تاخذوا افتح شوي ، درجاته مو كثير مره و ماكان في الوان غامقه بس نزلوا مجموعه جديده الان مجموعهم 11 درجة ، وغير كدة مااشوف فيه عيوب .
نزل كمان منه مصححات مره متحمسه لها لسه مانزلت عندنا ، بس حاطه امال كبيره عليها ، جربتوا ؟ كيف تجربتكم معاه و هل تحمستوا تجربوا ولا لا ؟ انتظر تعليقاتكم و تجاربكم
التقييم /
A
No comments:
Post a Comment
لأي استفسار أتفضلوا...®