السلام عليكم ، طبعا تعرفوني لمن انزل عن شي غالي احب انزل الرخيص كمان ، عشان اكون ارضيت جميع المتابعات ، هذا الكونسيلر قالتلي عبله من مدونه حجازيه و ماكنت معليه امالي بس هي مره تمدحه و عبله تحب الثقيل فا قلت اجربه ليش لا ، فا خلونا نشوف الريفيو عليه , متوفر منه 6 درجات دا بموقعهم بس متاكدة عندنا اقل , اخذته من سنتر بوينت .
مميزاته ، طبعا انا حتكلم عن مميزات من جانب انه كونسيلر رخيص فا بالنسبه لسعره بيكون التقييم عادل ، الكونسيلر يقلب بودره فا ثباته بيكون اعلى من اغلب الكونسيلرات في الدرق ستور , احتاج منه طبقتين للتغطيه و احتاج منه طبقيتن و قبله مصحح و فوقه هايلايتر , لانه ماينفع لوحده , كميته كبيره و يعيش معك . استخدمه حتى للكلاينتس الي امكيجهم و الحمدلله ثابت بس لازم طبقات لوحده كده مدري كيف مايثبت و يكتل , لكن لمن اسوي طبقات و اثبت ببودره كثير يجلس لنهاية السهره , فرشته اسفنجه فا تسهل تحطي حتى وانت مستعجله , استخدمه مرات على الحبوب و الاحمرار في وجهي و اثبته لو ماابغى احط اساس كايومي و سريع , كريمي سائل يمتد بسرعه , و يندمج بسرعه , الصراحه ارجع اشتري لانه رخيص بس لازم تاخذي بالاعتبار التثبيت الجيد ولا ماراح يعجبك .
عيوبه . الالوان جدا محدوده و عجيبه يعني اللون الي عندي خردلي على اورنج لون غريب مره و الدرجه الي قبله مره فاتحه فا الواحد مايعرف ايش يختار بس انا اخذت الغامق عشان لا يقلب رمادي و اعادله بلون هايلايت فوقه , و مثل ماقلت اول لوحده يكتل , ياخذ وقت على ماينشف .
التقييم /
B
No comments:
Post a Comment
لأي استفسار أتفضلوا...®