السلام عليكم و رحمة الله و بركاته
زي ما وعدتكم في الصيف حنزل ريفيوهات خاصه بموسم الصيف أغلبها حتكون عن التشميس و توابعه , أكيد أكيد مو الكل يقدر يخرج و يجلس في الشمس , او البعض مافي للحر و يخاف على بشرته , بس أكيد كلنا أتمنينا نكون زي الممثلات أجسامنا متشمسه و تلمع مو ناشفه و باهته , لأنه بما أنه بشراتنا الاغلب ما بنكون مره بيض فا التشميس مابيطلع محمر على الكل , أو بعضكم يتشمس في المسبح الي يخليكم رمادي , و كمان بعض المشاكل في السيلف تان أنك ماتقدري تتحكمي و تحطي في جسمك كله بالذات لو بخاخ فا بنحوس فيه و لازم نخلي أحد يساعدنا حتى نتأكد أنه جسمنا كله لون واحد , فا جبتلكم حل بسيط و لا يحتاج أحد غيرك زيه زي كريم الجسم الي تحطي بعد الاستحمام فا تقدري تغطي كل جسمك فيه و تتحكمي صح الظهر ممكن شوي صعب بس ممكن تغطي بشويه جهد أكثر ههههه .
منتج اليوم يستاهل ينكتب عنه موضوع و ريفيو خاص فيه لانه أبهرني من أول أستعمال الصراحه بس طبعا قلت لازم أجربه أكثر , هو منتج من ماركة scottbarnes وهو يمكيج و يهتم بالمشاهير زي كيم كردشيان , كيت هدسون و الاهم طبعا جينفير لوبيز شوفوا اللوكات الي سواها , المهم هو عباره عن كريم زي البيبي كريم تحطي يقوم يديك لون و يوحد لون بشرتك مع لمعه في نفس اللحظه يعني مافي أنتظار تشوفي فين أنحط طوالي , و لمعته قويه و تبان بس هذا الي يخلي جسمك يبرق برق هههه لانها تعكس الاضاءه فا تعطيك توهج كدا, متوفر منه نوعين النوع الاول للبشرات الفاتحه اسمه Body Bling Platinum و الثاني للبشرات السمراء الحنطيه و المتشمسه اسمه Body Bling Original و هذا الي حتكلم عنه سعره 42 دولار هو غالي بس الي شدني ليه انه جينفر لوبيز تستخدمه و في حجم صغير بالموقع ب 8 دولار , حجمه 120 مل .
وصفه مرطب ( يعني مافي لا ريحة السيلف تان ولا شي ريحته كريم عادي , برونزي بلمعه و اضاءه ذهبيه يستخدم على الارجل و اليدين , يوحد لونهم و يخليهم يبانوا أكثر نحف و مشدودين , طريقة أستخدامه تحطي قبل ماتلبسي أو بعد بس أفضل قبل ( بس انا مرات عشان أوفر فيه و مايخلص بسرعه بعد ما البس حتى لو عبايتي مثلا الاماكن الي حتبان بس أحط فيها هههه ) و على طول يعطيك لون و لمعه جميييله و كل ماكنت أسمر يبين عليك أحلى يعني مع تشميسي المتبقي طلع مرره حلو على الي ابيض مني طلع أفتح شوي , يعني يعزز لون التشميس جدا ( استخدمته مع تشميس شمس و تشميس سيلف تان , لكن لو كنت مرره سمراء راح يديك لمعه بس اكيد و دا شي أكيد حلو برضو بس ممكن تلاقي بدائل ارخص يعني .
هم يقولوا تحطي تخلي ينشف و ترجعي تحطي طبقه تانيه الين توصلي للون الي تبغي أنا جربت كده حسيت اوك ممكن الطبقه الثانيه تزيد شويه بس مو كثير يعني حسيت الطبقه الثالثه و الرابعه مافي فرق , فا أنات اكتفي بطبقه وحده و اقسم جسمي احط في راحة يدي و احطه زي الكريم في اليد الاولى و بعدها احط و اليد الثانيه و كده , في شي مهم و انت تحطي لا تكوني مره عفشه ولا مره ناعمه يعني وزعي عدل و بلاش تعيدي مليون مره على نفس المنطقه لانه يندمج بسهوله مايحتاج , فا عشان لا تحركي المنتج الي حطيتي و تطبع اصابعك خلي قوتك وسط و راح تلاحظي ينفرد بسهوله و سيبي يثبت .
في أشياء لاحظتها لازم تحطيها في الاعتبار او ماانصح فيها , اول شي هو صح كريم بس ضروري ضروري يكون جسمك نظيف شايله شعرك و مرطبه جسمك عشان لا يمسك في جذور الشعره و الترطيب حتى مايطلع خطوط محل الاماكن الناشفه , فا رطبي رطبي جسمك كثير قبلها بيومين من العزومه مثلا حطي زبده و كده , الاشياء الي تبتعدي عنها طبعا هو مو ضد المويه فا لاتحطي في مسبح الا لو ماراح تلمسك المويه , لا تحطي لو كنت راح تعرقي مررره كثير لانه راح يروح لاحظوا مره , لكن عزومه او بترقصي و في مكيف هههه عادي ماراح , انا جلس معايا لثاني يوم و لمن استحمى يروح و لو مااستحميت اللون يروح و تجلس اللمعه هههه , طبعا ثبات المنتج و اندماجه على جسمك يعتمد عليك فا رطبي و اهتمي لو قليل , أنا مو من النوع الي كل يوم كريمات و كده بس قبل النوم مرات و بعد الاستحمام و تقشير جسمك بالليفه على خفيف يعني دي مو أشياء تسويها قبل ماتحطي لا هو حلاوته انك خرجه سريعه جاتك تحطي و تمشي لكن لنتائج افضل بس اهتموا هههه نصيحه أخيره بعد ماتحطي يدك حتصير مليانه راحة يدك فا لمن تغسلي يدك حطي صابون فقط في راحة اليد و غسلي بالمويه ماراح يتأثر الي فوق و لمن تنشفي برضو نشفي من فوق بشويش خلكم ناعمين , و ترى حاطين على العلبه انه لا تحطي تحت الملابس يعني فقط أجزاء جسمك المكشوفه .
في النهايه أدري كلامي كثير بس حقيقي أول ماحطيته الكل سألني عنه انت ايش حاطه ولا متشمسه مايبان أنه سيلف تان أو شي يفكروك متشمسه بس حاطه لمعه , و مره كنت متحمسه أنزل الريفيو لكم ان شاء الله يعجبكم و مايخيب امالكم المنتج أنا عني حبيته جدااااا ماقد سمعت أحد أتكلم عنه بس أتحمست له من العلبه و كده .
هذا فيديو يوضح لكم بس أنا ماحبيت طريقته لمن حط في يده و وزعه بعدين حطه على منطقة الصدر لمن جربتها مانفعت فا الافضل زي ماقلتلكم على يدك و ادهني زي الكريم .
التقييم /
A
No comments:
Post a Comment
لأي استفسار أتفضلوا...®