مشترياتي من بورجوا , ريميل , ماكس فاكتور , كلين اند كلير و ماك

السلام عليكم و رحمة الله و بركاته

يوما من الايام لقيت قدامي سنتر بوينت و عامل تخفيض 20 % على بعض ماركات المكياج , فا أضطريت أشتري أشياء جديده نفسي أجربها من الدرق ستور بما أني ماعندي مجموعه كويسه منهم , و الاغلب منكم يفضل هذه الماركات , فا خلونا نبدأ .

الموضوع الاهم و الي لميت منه هو المسكارات دايما أخذ مايبلين لانها اغلى شي ب 54 ريال , و باقي الماركات وصلت 89 فا قلت ماراح أجربهم الا لمن يصير تخفيض هههه و انتظرت و اخذتهم هم 4 بس في وحده مالقيتها ضايعه في مكان ما ههه بس أكيد بسوي ريفيو عن كل وحده .

Volume Glamour Max Definition Mascara من بورجوا سعرها بعد التخفيض 54 ريال / سعودي .

Clump Defy من ماكس فاكتور سعرها بعد النخفيض 57 ريال / سعودي .

False Lash Effect  ضد المويه من ماكس فاكتور , سعرها 42 ريال / سعودي .

Rouge edition Velvet من بورجوا هي غاليه جدا الصراحه حتى بعد التخفيض بس عشان أبغى أسوي مقارنه و حسيت اللون حلو , سعره 60 ريال / سعودي بعد التخفيض .

دائما كنت حاطه في بالي وقت التخفيض أخذ هذا الروج من ريميل رقمه 107 , اذا تعرفوا اليوتيوبر البريطانيه زويلا كل مااشوف لها فيديو أو صوره و يعجبني الروج يطلع هذا فا قلت لازم أجيبه حبا فيه اولا و حبا فيها ثانيا سعره 33 ريال / سعودي هو عودي على أحمر يشبه ديفا من ماك بس حقارن بينهم ان شاء الله كمان  .

happy light matte serum primer  من بورجوا و أخيرا برايمر من الدرق ستور و عندنا في السعوديه كنت فاقده الامل و جلست افتش و لمحته و على طول أخذته , سعره غالي مع أنه كمان بعد التخفيض سعره 69 ريال / سعودي الله أعلم كم كان قبل :/ .

بيبي كريم من ريميل , زمان ما كنت مقتنعه بالبيبي كريم اخفف الاساس حقي بكريم الوجه و امشي , لكن كثير بنات يطلبوني و اقلهم بس انه انا ما جربت فا قلت لازم ابدأ أجرب و سعره مره حلو لحجمه سعره 32 ريال / سعودي .

و أخير شي في المكياج محددين واحد من ريميل سعره 15 ريال , و الثاني من بورجوا و سعره 25 ريال / سعودي .

دا المناكير جميل من كل النواحي حجمه كانه ميني مره صغنطوط يجنن , لونه فضييع ما قد شفت في ماركات رخيصه ضبطوا نفس الي في بالي , اللون ابيض مصفر أو اصفر مبيض جميييل بس يحتاج ثلاثه طبقات او أكثر بس ينشف بسرعه , و سعره 18 ريال / سعودي من ماكس فاكتور .

و أخيرا ماقدرت أقاوم أكثر و أشتريته مزيل المناكير من بورجوا لليد و للرجل , سعره 52 ريال سعودي .
و خلصنا مشتريات سنتر بوينت كل الاسعار بعد التخفيض حتى لو نسيت أكتب , و قررت أدخل بعض المشتريات من برا بس لانها قليل معاهم .

من ماك مسكارا تفتيح الحواجب , سعرها 100 ريال / سعودي .

من الصيدليه كريم ترطيب من كلين اند كلير أحبه لانه خفيف أستعملت اثنين من اللون الاخضر قلت أغير , سعره 22 ريال / سعودي

ان شاء الله يكون عجبكم البوست و لو جربتوا  شي منهم قولولي الريفيو حقكم عنه happy weekend .