موضوع اليوم موضوع جديد في مدونتي و ان شاء الله يعجبكم فا خلونا نبدأ رحلة التحضير ليوم تجهيز فطور في بيتي ....اولاَ كل شي كنت أبغى اجهزه كتبته في مذكرتي من الفطور للملابس و حتى المكياج عشان ما أنسى و خلال الاسبوع اشتريت أي شي ناقص في البيت للفطور أو للديكور , فا صحيت على الجو الجميل هذا في شباك غرفتي .
استخدمت مرطب لوجهي و عيني
بعدها فتحت اليوتيوب و بدأت أتعلم طريقه للف المناديل و سويتها الحمدلله و أتأكدت أنه الطاوله جاهزه
بدأت أعمل طاولة الخدمة كان الثيم حق الحفله الليمون و اللون الاصفر لازم أختار ثيم أنا p:
حطيت شمعه أختارتها صحبتي من باث أن بودي ريحتها دافيه و راقيه
عملت photoBooth قبلها بيوم عشان نتصور بيها و كده
و بعدها طلعت البس و اتجهز, حطيت برايمر لوجهي و عيوني
و الأساس من ميك أب فور ايفر و بودرة من ماك
كونسيلر و مصحح من بوبي براون و البودره الي معاه استخدمتها اضاءه لتحت الحاجب
و البلشر من ايف سان لوران لأنه خفيف و صباحي
حواجبي زي دايما شدو من كريولاين الشدو من بسام فتوح لونه جدا جميل و خفيف لونه زي الفستان مع لمسة ميتالك و دمجته مع شويه بني من الاطراف و ايلاينر اسود و الكحل كحلت عيني من جوا من فوق و الماسكارا هيبنوس دول ايز من لانكوم لانها خفيفه و صباحيه و تعطي وسع للعين .
و الروج اخترت لون وردي مطفي و هادي من ايستي لودر
بالنسبه للبسي لبست فستان من H& M , الجاكيت من Topshop من زمان عندي و الشال برضو قديم
الاكسسوار خاتمي المفضل وحلق بسيط و أسوره بسيطه من دبي جبتها مره أحبها
بالنسبه للفطور كان متنوع أجبان و و زيت و زعتر و مربى و بان كيك و ساندوتشات مارتديلا المشروبات كانت شاي و عصير برتقال طازج و أتركم مع الصور ...
و الحلى حطيت ايس كريم من باسكن روبنز , و بس كان يوم حلو و انبسطنا و كان كل شي زي مارتبت له الحمدلله , وشكرا لكم أنك وصلتوا لأخر الموضوع و ان شاء الله تكونوا استمتعتوا به .
No comments:
Post a Comment
لأي استفسار أتفضلوا...®