السلام عليكم و رحمة الله و بركاته
شدو كريمي من Make up for ever , اسمه AQUA CREAM Waterproof Cream Color , رقمه 17 - plum , سعره 110 ريال / سعودي , أشتريته من محل ميك اب فور ايفر فرع التحليه سنتر .
مميزاته , ثباته جدااااا ثابت حطي و انسي مع برايمر أو بدون ثابت , سهل و سريع الاستخدام لانه كريمي تحطي بأصباعك و تدمجي بأصباع تاني و تكوني جاهزه , دائما موجود في شنطة مكياجي عشان لو أطريت فجأه احط مكياج , متوفره ألوان كثير من الفاتح للغامق و كمان ينزلوا ألوان حصريه لفتره دائما , أنا أخترت لون يكون وسط اقدر أحطه في اي وقت طبعا على حسب بشرتك و مكياجك يفرق اللون الي يناسبك بس أنا أنصحكم أنكم تشتروا واحد لون مناسب لاي وقت و تحطي في شنطة مكياجك لأنه يفك ازمات الصراحه , و من أحلى مميزاته أنه على طول يصير بودره , المنتج كميته كبيره , أحسن طريقه لوضعه باليد , أو فرشه مسطحه , ابدا لاتستخدمي فرشه منفوشه هههه الا لدمج الحواف .
عيوبه , أول شي ماعرفت أحطه عيب او ميزه بس بالنسبه لي عيب الي هو أن العلبه بلاستيك أدري لأنه ضد المويه و معمول للبحر و المسبح و كده لازم يكون عملي لكن بالنسبه للسعر أحس أنه لعبه الصراحه , لازم تحطي بسرعه لأنه ينشف بسرعه , مرات لو حطيتي منه مره كثير طبقات فوق بعض يبدأ الزايد يتقشر , فا الافضل انك تحطي الطبقات ورا بعض بسرعه بطريقه متساويه لانه ماتقدري تحطي كريمي على بودره .
في النهايه المنتج مره أحبه و عملي و اللون ابدا مايمل منه بالنسبه ليا يعطيني عمق لعيوني و كأني تعبت على مكياجي و أنا ماسويت شي و أحب أدمجه مع لون بني من كفر قيرل تشوفوا في صور الانستقرام و دائما حخلي في بالي اني ارجع اخد لون ثاني حاطه عيني على رقم 2 أو 15 .
التقييم /
B
No comments:
Post a Comment
لأي استفسار أتفضلوا...®