و أخيرا نزل كولكشن ريهانا بعد انتظار طويل , طبعا أحلى كلكشن شفته في ماك و أول واحد اتحمس له اول شي طبعا لانه حرفي مكتوب عليه و ثانيا اللون جميل و ثالثا المنتجات نفسها حلوه , نزل يوم السبت الصباح و رحت العصر رد سي مول و لقيت الحمدلله كل شي كنت ابغاه .
أول شي الأرواج سعرها ١١١ ريال / سعودي للواحد , أخدت روجين الموف الي بعد المغرب على طول خلص .
الموف يعتبر طبعا غامق بس مو زي شكله في الصوره على الشفايف تقدري تفتحي بس ناشف جدا لانه مطفي و نوع رترو , أنا كيف أستخدمة أحط مرطب بعدين بفرشه اوزع طبقه خفيفه بعدين أحط منه أعتقد لونه يعجب بناات كتير و الحلو في انه ما يخلي اسنانك صفرا زي بعض الارواج الموف ، ثباته عالي لو كان من غير قلوس .
الروج المشهور الي في كل كولكشن ينزل لريهانا الي هو الاحمر ريري وو لونه جميل لكن أنا ماجربته لانه أشتريته لأختي الجميله .
ننتقل للبرونزر و البلاشر
بالنسبه للبرونز لونه مرره حلو و هاديء بس ماينفع يتسوا كونتور حاد به أما البلاشر في لمعه بسيطه بس ماعجبني ابدا أحس أنه لونه من ايام زمان مرره قوي و بمبببي ممكن لمن يندمجوا يكونوا أحلى , ثباته متوسط ، و سعره ١٦٣ ريال / سعودي و اسمه مرره صعب .
الشدوهات كان سعرها ٢٥٢ ريال / سعودي , الوانها بين حلوه و بين لا اول شي انه مافيها ولا لون مطفي كلها لمعه , اللون الاول مايحط كويس في لمعه بسييطه و لونه بيج على بمبي , اللون الذهبي حلو اما اللونين التانين مرره قريبين من بعض مع اختلاف بسيط واحد بني على برونز الغامق و الثاني بني على لمحه زيتي احس كل واحد لوحده حلو بس خفيفه لازم برايمر و كمان فكس بلس في الفرشه يعني ما احسه ينفع للسهرات الى أنك تدميجهم مع الوان تانيه ممكن و هو قيد التجربه .
شكرا لكم و ان شاء الله تكونوا أشتريته منه الي عجبكم و الي مالقت خيرها في غيرها ان شاء الله , لسه حينزل كولكشن في الكريسمس ممكن تنتظروا .
رابط الكولكشن الجديد
No comments:
Post a Comment
لأي استفسار أتفضلوا...®