السلام عليكم و رحمة الله و بركاته
أكبر مشكلة عندي في مكياجي هي الكونسيلر لانه عندي هالات نفسي في كونسيلر بطل أحطه ولا أرجع أعيد عليه فأخذت هذا على كلام سام من pixi woo في اليوتيوب دائما تستخدمة و يعجبني عليها .
اسمه استديو فينيش كونسيلر / Studio Finish concealer سعره 105 ريال/ سعودي ,أشتريته من محل ماك بالتحليه سنتر تغطيته متوسطه الى عاليه على حسب درجة الهالات عندك يعني لو مره ثقيله ما أفضل هذا الكونسيلر ( ممكن تاخذين ماك برو لونق وير كونسيلر) و ثباته متوسط .
التغطيه و الثبات تعتمد على نوع البشره كمان سام بشرتها جافه و أنا دهنيه فا ما أتوقع أني باخذ بكلامها في الكونسيلر بعد كده , حاليا بدأت أستخدم برو لونق وير من ماك أول تجربه معاه كانت فاشله لكن الحين ماشي تمام.
من مميزاته أنه كريمي سهل الدمج قوامه سميك يحتوي على حمايه من الشمس بنسبة 35 , ممتاز في التصور مايبين سواد تحت العين لأنه أنا أستخدم NW و حرف الدبليو يعني درجة دافيه فيها نسبة لون برتقالي فا تسوي تصحيح بسيط للهالات زي المصحح البرتقالي بس أخف ولا يعكس فلاش أبد و كمان الحلو متوفر درجات مختلفة لكل ألوان البشرات أنا أفضل لو بشرتك فيها تصبغات بلون أغمق من بشرتك خدي NW و الرقم القريب منك سواء للكونسيلر أو للأساس , المنتج يحتوي على 7 غرام يعني كمية المنتج كبيييره جدا بالنسبه لماركات أخرى و يعيش معاك مده طويله أنا للحين ماصلت للقاع و سعره ممتاز للكمية .
بالنسبه ليه افضله اكثر للوجه اكثر من تحت العين ممتاز لتصحيح الأخطاء في رسمة الايلاينر و كذا ,و كمان أفضل استخدمه لمن أكون في خرجة سريعه و ما أبغى أحط أساس بس كونسيلر لانه يندمج سريع و نفس لون بشرتي , كمان حلو في شي أنه سبحت و أنا حاطته فا ماذاب مع المويه يعني راح صح بس مو خرب وجهي راح بصمت هههه , بالنسبه لعلبته حلوه و صغيره ما تأخذ مساحة في شنطة المكياج , بالنهايه هو مميزاته أكثر من عيوبه يعني يعتبر من الكونسيلرات الكويسه .
أما بالنبسه لعيوبه همممممم يتكتل مع الوقت للأسف حتى مع بودرة مثبته , مايخفي الهالات 100 % في الطبيعه , مايجلس طول اليوم لازم أعيد عليه و بما أنه في علبه فا يلم وصخ كالعاده رمشه شعر من الفرشه و مره يعصبني دا الشي . و وصلنا لنهايه الريفيو أن شاء الله يعجبكم الاسلوب هذا أكثر .
التقييم /
B.
* للتوضيح : أحب أبين أنه التقييم لكل المنتجات تعتمد على عدة معايير كل المنتجات تعدي عليها و تاخذ درجات يعني لو منتج مره حبيته و ماكان أخذ A معناته أنه مافي الوان متوفره منه كثير أو علبته وحشه يعني التقييم مو من راسي و حتى لو منتج ماعجبني أنا أو ما أدى الغرض الي أنا أبغاه لكن أخذ A برضه لانه في جوانب ساعدته يوصل للدرجه الي تخلي ياخذ A , كلام كثير بس عشان في ناس يقولوا غريبه تحبي و ما أعطيتي تقييم حلو أو العكس .
مواضيع أخرى لمنتجات ماك :
No comments:
Post a Comment
لأي استفسار أتفضلوا...®