السلام عليكم و رحمة الله و بركاته
أخيرا راح ارتاح دحين و ما أجلس أستنى ماك و متى ينزل مجموعه جديده لأنه أخر مجموعه كنت أبغاها لريهانا نزلت و الحمدلله هي الي كنت أنتظرها , حصتي منها مو كثيره بس لأنه هذا الي كنت حاطه عيني عليه , هممم هو حلو و مو حلو أنه ينزل المجموعات متأخر عندنا بس يفيدني أني شفت مليون ريفيو عنهم و حددت أنا أيش أبغى من بدري , هذه المجموعه ما حسيتها أخذت ضجه و صدى زي مجموعة الخريف ما أعرف ليش بس أنا رحت ماك رد سي ثاني يوم من نزولها و كان كل شي متوفر و كمان رحت الساعه 10 الليل , الي قبل أول يوم كان في أشياء مخلصه , الأسعار أغلى من المجموعه الأولى اول كان الروج ب 111 ريال و اللحين ب 112 ريال هو ريال بس ليش :( , فا خلينا نشوف الجمال ...
طبعا أنا كل انسان حولي أقله عن المجموعه للناس الي يبدأ اسمهم بحرف الراء أو يحبوا اللون الأحمر لأنه أجمل أحمر قد شفته فا مساكين خليتهم يصرفوا و أخذت عينه من بقمنت موف لأني حقيقي أبغى لون موف معين و ما لقيت شي عجبني فا قلت أجرب قبل ما أشتري , و نبدأ الأرواج أكثر ما شدني لأنه الشدوهات لو خلوها مدوره كنت أكيد حشتري ما أعرف ليش صاروا ينزلوا دي الخطوط يمكن فيها منتج أقل .
ناخذ كل لون على حده أول واحد ريري وو Riri woo أشهر واحد أنا ما أخذته من المجموعه الأولى عشان أخذه من هنا أنه يكون عندي شكلين مختلفين ناخذها من باب التوفير ههههه بنت خالتي أخذته أول لمن شفته عليها أنااا قلت لاااا متى أستنى المجموعه الثانيه جمييييل مطفي هادي كل ماتتمني في الروج الاحمر انه يكون عليه كأنك من حاطه روج من مجله و كمان يبيض الاسنان و أنا متأكده أنه اي احد حيسألك أيش روجك لمن تحطي و نوع الروج Retro Matte.
و الروج الثاني Bad Girl RiRi كنت أول بين أخذه و بين لأ بس يوم نزل قلت راح أخذه الحمدلله كان أخر واحد بس ماما كانت تبغى ثاني يوم راحت فرع ثاني برضه كان مخلص يعني مو كثير أشتروا للأسف اول شي هو مطفي بس أول شي لاحظته أنه مررره كريمي ينحط بسهوله ما يحتاج تحطي مرطب لونه وصفه غريب من اللحمي و البني و شوي وردي ما أتوقعه يطلع حلو على كل مين , ماما بيضه جربته قالت مره غامق و حطت لون ثاني فوقه تفتحه شوي , علي أنا حسيته لون شفايفي بس أجمل زي مايقولوا .
 |
| سواتش للأرواج |
كان في ايلاينرات ما عجبتني خفيفه واحد ابيض على فضي و الثاني روز قولد على أساس بس الي شفته أنه رايح على برتقالي بس ثابتين .
 |
| سواتش للأيلاينر |
في النهايه جدا جدا مبسوطه باختياراتي و عني راح أحتفظ بالعلب للأبد ان شاء الله و أهني ريهانا و ماك على المجموعات الرهيبه الي نزلوها جابتلي انا السعاده و لغيري أكيد من ناحية صورها في الاعلان أو المنتج نفسه و التعليب و الالوان كله كان ممتاز و أتمنى يتعاونوا معاها مره ثانيه .
و اذا تبغوا تشوفوا موضوع المجموعه الي قبلها حق الخريف /
ماك ريهانا كولكشن الخريف / RiRi Hearts MAC Fall Collection
No comments:
Post a Comment
لأي استفسار أتفضلوا...®