السلام عليكم و رحمة الله و بركاته
اليوم الريفيو عن مصحح بوبي براون اللحين صار من أساسيات المكياج لو عندك هالات أنك تشتري مصحح لونه أورنج عشان مايخلي الكونسيلر يقلب رمادي ويشيل الظل الي يبان تحت عينك و يخلي مكياجك نظيف و تبرز رسمة عينك , لو حطيتي أحلى شدو و في سواد تحت عينك محا يبان جماله و الناس بس راح تطالع في السواد , في كثير ماركات توفر المصحح زي لورا مرسييه , ماك , ميك اب فور ايفر و غيرهم كثير في الرخيص وفي الغالي , أول واحد جربته هو بوبي براون لانه مرره مشهور فا خلينا نبدأ .
أخذته من دبي محل بوبي براون في دبي مول , مو موجود في جده لكن في بالرياض بهارفي نيكلز , درجتة Dark Peach , سعره 133 درهم / اماراتي , قوامه ثقيل شوي يعني يلصق مو كريمي أحس أحسن عشان مايتحرك من مكانه , يحتوي على 1.4 جرام .
مميزاته يعطي أناره على طول , يعمل تمويهه للهالات تحت العين لاحظت الفرق على طول بالذات في التصوير , تتوفر درجات كثير على حسب لون الهالات كل ماكانت غامقه كان على اورنج أكثر ( أفضل لمن تختاري اللون تكوني مو حاطه مكياج عشان تختارلك الدرجة الي تناسبك , علبته حلوه ملساء و صغيره ماتاخذ مكان كبير و كمان فيها مرايه ,عيوبه ممكن لأنه يلصق شويه فا يخلي ممكن صعب التعامل معاه شوي , ممكن يجمع شعر في العلبه زي كل الأشياء الكريميه , يخلص بسرعه كم شهر و باقي ربعه بس على الاطراف بس يستحق التجربه و أنصح فيه لو رجعت أشتريته أتوقع أخذ درجة أفتح .
طريقة أستخدامي : أحطه بفرشة كونسيلر على كل مكان في مناطق غامقه و أسيبه يذوب شوي مع الحرارة بعدين أجيب أسفنجة نديه و أطبطب عليه , طبعا لازم بعده كونسيلر حتى يعادل اللون للون بشرتك , لو تحبي تحديد الوجه زي كيم كردشيان لا تحطي المصحح بطريقة مثلثه بس حطي في مكان الهالات و سوي المثلث بالكونسيلر .
لا تنسوا تتابعوني في تويتر و انستقرام كل الروابط موجوده فوق على اليمين
No comments:
Post a Comment
لأي استفسار أتفضلوا...®