السلام عليكم و رحمة الله و بركاته
جا وقت مشترياتي المكياجيه من دبي في البدايه الصراحه كنت ماسكه نفسي لكن في النهايه ماقدرت هههه , الاشياء أشتريتها من أماكن مفرقه .
نبدأ نعطر الصفحه بالروائح الجميله , و أعلمكم شي أنا عني عرفته بالصدفه الصراحه في مطار دبي الي هو duty free و هو عباره عن نفس ماركات العطور و المكياج بس ماعليها جمارك و مرات يسوا خصم كمان و يوم انا رحت كان في 20 % خصم فا كان كل شي رخيص الصراحه أنا حسيت كأني في أبو ريالين للماركات اساس شانيل ب 112 درهم مين يصدق و شدوهات المفرده بس ب 100 درهم هي طبعا في نظر البعض غالي لكن دي الماركات غاليه , توم فورد حبيبي بنص السعر تقريبا فا نصييييييييحه لأني أحبكم لو سافرتوا وفروووا فلوسكم و روحوا انبسطوا ولا تتسوقوا الا في المطار روحوا قبل الرحله ب ساعتين ولا 3 كمان و اجلسوا بضعوا انا للاسف ماكان معانا فلوس كثير في المطار لاني ماكنت اعرف و ساعه كان قدامنا نحط شنطنا و نتسوق فا كان كله ربشه و توتر فا الي يعرف يقول للناس الي ماتعرف ولا تكونوا شريرين و تخبوا الاشياء الطيبه على الناس , أنا الصراحه أتفاجأت انه في ناس تعرف سعر الاشياء الي أشتريها و ماتقولي أنها عارفه أنه أقدر الاقيها بنص السعر , فا حب لأخيك ماتحب لنفسكو يلا نبدأ .
كولونيا من ايلي صعب الصراحه ماشميتها عدل بس ماما جلست تقولي بسرعه أختاري راح تروح الرحله فا قلت ايلي صعب ريحتها خفيفه صباحيه عزوميه ( يعني لعزومه ) أحس مو حق افراح يعني ههههه سعرها 220 يمكن من المطار أخذتها يعني برا كل الكلونيات قريب ال 500 .
كوكو شانيل مدمازيل معرف كيف تنكتب المهم كانت ب 600 و شي صارت ب 500 و شي يعني وفرنا 100 طبعا كويس .
وتوم فورد بلاك اوركيد المقاس الكبير برا قريب 700 درهم أعتقد , في المطار ب 407 أخذناها ريحتها قويه شايفه كل الناس تتكلم عنها و عن جمالها أحسها حق افراح بس او اذا تبغي تكشخي في عزومه , و نزل كمان فيلفيت اوركيد أجدد شي المهم توم فورد كل الناس هابين في وهو يستاهل بشكل عام فا لو ودك تخشي في الهبه أشتري منه أي شي و ماراح تندمي أن شاء الله .
ندخل في المكياج و نبدأ بأشياء الوجه .
برونزر شانيل برا ب 220 و مرات ب 250 أخذته ب 170 درهم .
و الشي الي خلاني اروح هناك من الاصل الاضاءه الجميله من جيرلان شفت و حده في انسترقام نزلت انها أخذتها من المطار و حطيتها في بالي لانها مو موجوده في المحلات سألت في كذا محل سعرها يمكن 200 و شي و الاصل 350 من الحماس والله ناسيه ولا سمعت ايش قالي بس قلتله في حطها في السله بسرررعه ههههه و كمان تجي معاها فرشه .
اضاءه سوفت اند جنتل الي البنات متجننين عليها ليش مانجربها دامها موجوده و كمان ارخص سعرها ب 140 أخذتها ب 108 درهم
و ان شاء الله تكون على قد المدح .
بلاشر من ميك اب فور ايفر برونز عشان الصيف أخذته من محل ميك اب فور ايفر في دبي مول سعره 135 او 110 .
أخذت اساسي المفضل من ميك اب فور ايفر سعره 190 اخذت درجه افتح دي المره اول كنت N150 أخذت N140 نفسي يصير وجهي 100% نفس جسمي و اخاف لو اخذت مره فاتح حيقلب رمادي فا بحاول اجرب لانه مع البرونزر و البلاشر يغمق الوجه أكثر حتى لو كان لونك بالضبط .
اخذت من توم فورد بلاشر سعره 290 درهم ثاني يوم رحت المطار لقيته ب 190 يب 100 درهم فرق بس خليها على الله .
من محل اسمه غاليري لافاييت زي باريس غاليري كده كبيييره أخذت شي من ماركه ماقد جربتها لورا مارسييه اخذت اضاءه لتحت العين شفافه تنور المنطقه و تثبت الكونسيلر من غير ماتغير لونه سعرها 99 درهم .
مصحح من لورا مرسييه لانه حقي بدأ يخلص فا قلت اجرب ماركة جديده سعره 99 درهم .
و ندخل على المسكارات اخذت اكثر اتنين عليهم مدح .
ماسكارا شانيل الجديده سودا
و ماسكارا مايبلين الدانتيل على قولتهم ب 59 درهم من السوبر ماركت اخذتها .
و خلصنا الحمدلله ان شاء الله عجبتكم اختياراتي لو عندكم اي تجارب معاها قولولي هون او على الانستقرام .
No comments:
Post a Comment
لأي استفسار أتفضلوا...®