كوستال سينت من أكثر الماركات المنتشره في انستقرام و عند التاجرات أول شي لأنه سعرها رخيص و جودتها عاليه و توفر الوان و أشكال كثير , توفر بلاشرات و شدوهات متعدده في علبه وحده تختلف اسمائها بعضها للسهرات للنهار مطفي بلمعه و زي كده .
طبعا الي عندي من اسمها متوفر فيها 252 شدو متنوعين بين مطفي و قليتر و لمعه بسيطه فيها تقريبا كل التدرجات الي تخطر ببالك من الفاتح للغامق , تلاقوها عند التاجرات متوفره زي ماقلت أنا جابتلي هي صحبتي حبيبتي الله يخليها فا الاسعار أكيد بتكون متفاوته بين التاجرات حنزل في انستقرام الصوره و يمنشنوا فيها التاجرات الي يبيعوها , نجي لممميزاتها أول شي تسوي لوكات غير محدوده تدرجات تلعبي فيها لعب << حسيتني في كوره هههه , الصراحه سويت لوكات كثير أي لوك أبغى أطبقه شفت صورته الا ما القى شبهه اللون عندي فا جدا مريحه طبعا للتتمكيج كثير أو تمكيج ناس و توها مبتدئه تاخذها من غير تفكير بدل ما تشتري من ماك بالحبه , فيها الألوان الاساسيه و الوان للدمج و ألوان غامقه من كل الالوان الالوان متوفره من الدافيه للبارده , الجوده رائعه الالوان على طول تبان مع برايمر طبعا , الالوان المطفيه تندمج بكل سهوله أما الي بلمعه شويه يبغالها شغل في الحواف , ثباتها عالي مع برايمر لكن من غير برايمر ماتجلس حق ساعه بالكثيرحجم الشدوهات صغيره أشوفه أحسن عشان لا تجلس كثير و تعفن و تترمي , نجي للعيوب لاحظت أنه من كثر ما الشدوهات ناعمه تتكسر من لا شيء يعني ماطاحت مني بس الاقي أجزاء منها مفتته من أقل حركه يعني ابدا ماتنفع لبرا البيت , من بين كل الالوان دي مافيها لون بيج مطفي تماما أحسه لون اساسي المفروض يكون في من بين كل الالوان المطفيه , اللون الاسود الي فيها ماحبيته اذا تتذكروا في انستقرام سويت لوك عشان أجربه مع كحل أسود تحته حسيت اللون شوي فاتح على مبهت مو أسود صريح لمن أهني أنه مايطيح كثير على الخد و يبهدلك , شويه العلبه متعبه لأنها 3 طوابق .
ما أنصح فيه للبنات الي ماتعرف تنسق ألوان شدوهات مع بعض راح تحتار و تتعب نفسها في شي كبير , أفضل لكم تاخذوا علبه فيها 4 شدوهات , أضاءه , لون للجفن و لون غامق للتحديد من غير ما تتعبي دماغك و لكن لو مصره العلبه ماعليها كلام للاقتناء و تستاهل كل ريال الصراحه , أي سؤال أو معلومه ماغطيتها أسالوني في الكومنت أو على حساباتي في مواقع التواصل , أسيبكم مع الصور .
التقييم /
B
ما أنصح فيه للبنات الي ماتعرف تنسق ألوان شدوهات مع بعض راح تحتار و تتعب نفسها في شي كبير , أفضل لكم تاخذوا علبه فيها 4 شدوهات , أضاءه , لون للجفن و لون غامق للتحديد من غير ما تتعبي دماغك و لكن لو مصره العلبه ماعليها كلام للاقتناء و تستاهل كل ريال الصراحه , أي سؤال أو معلومه ماغطيتها أسالوني في الكومنت أو على حساباتي في مواقع التواصل , أسيبكم مع الصور .
التقييم /
B
No comments:
Post a Comment
لأي استفسار أتفضلوا...®