السلام عليكم و رحمة الله و بركاته
بما أنه قرب الصيف فا قلت أعمل ريفيو لشيء ينفع للصيف الا هو ايلاينر ضد المويه , كل محبين المكياج ودهم يكونوا حلوين في الجو و البحر و البر ولا مو , فا مو شويه مويه تمنعنا من أننا نحط مكياج بالذات أنه دحين فين ماتروحي تبغي تتصوري فا لازم يكون شكلك مضبط , فا المكياج الي ضد المويه أعتبره نعمه من النعم الصراحه , أكثر ماركة أثق فيها لمن نتكلم عن البحر هي ميك أب فور أيفر لأنهم يعرفوا أيش يعملوا .
الاكوا لاينر سعره 110 ريال / سعودي , أشتريته من محلهم بالتحيله سنتر , رقمه 13 لونه أسود , يحتوي على 1.7 ml , طبعا ضد المويه , متعدد الالوان لكل الاذواق , صالح لمدة 6 شهور من تاريخ الفتح الا انا اشوفه مرره مو حلو لأانه أنا ما بحطه غير في طلعات البحر و السبح فا أقلها المفروض يجلس سنه , ثباته عالي مع برايمر ضد المويه لكن من غير لاحظت أنه بهت شويه لكن دا الكلام بعد أكثر من 5 ساعات في الملاهي المائيه , من مميزاته أنه مطفي حتلاحظوا في السواتش على يدي أنه في لمعه لكن على العين ولا نص لمعه مطفي تماما , ما يتقشر من حاله , حجمه صغير و مناسب أنك ترمي في شنطة مكياجك , نفس المنتج جلس معايا و مانشف مع أني أتوقعته زي الماسكارا حيخلص بسرعه لكن مازال شغال الحمدلله , الفرشه جدا مريحه و ثابته و سهله في الرسم , عيوبه و الي أكره في كل منتجات ميك اب فور ايفر أنه العلبه بلاستيك طبعا الغطاء انكسر و صار شكله معوق و ماينقفل للاخير لكن ما نشف , لازم تشتغلي بسرعه في رسمتك لانه لو نشف صعب تعيدي عليه كم مره , من التعليمات المكتوبه عليه رجه قبل الاستخدام و ما تستخدمي داخل العين .
B
No comments:
Post a Comment
لأي استفسار أتفضلوا...®