مشترياتي من ماك كوليكشن ماليفسنت / الورينق أكواتك / mac maleficent and alluring aquatic collection Haul

السلام عليكم و رحمة الله و بركاته 

طبعا ماك صار ينزل كولكشنات بالهبل و أسعاره زادت و احنا مازلنا نشتري , أختي كانت في أمريكا و نزلت المجموعه فا قلت بما أنه أرخص عندهم فا خلني استغل الوقت و الحمدلله وصلت بالسلامه و فوقها هديه .

نبدأها بمجموعة ماليفسنت طبعا كثيير ما أتحمسوا لها و شافوها مكرره , لكن أنا ماعندي شدوهات من ماك فا قلت فرصه و أنا أعشق ديزني فا ما قدرت أفوتها الصراحه و حسيت فيها شر طالع منها هههههه فا كمان بونس  ومحد يقول لا لمكياج بجوانح محد أتخيل فكتوريا سيكرت و كده مشولي مشولي السخافه , الي خلتني اشتري المجموعه .

طبعا شخصية ماليفسنت الافلام كرتون كانت أخضر في موف فا كثير أعترضوا و حبوا انه يكون في دي اللونين حتى تمثل الشخصيه , لكن ماك أخذت الألوان من فيلم ماليفسنت الي فيه أنجلينا جولي , أنا مع المعترضين أنه المفروض يجيبوا من الشخصيه الاساسيه بس هو ممكن نزلت دعايه مع الفيلم يجي منهم كل شي .

حتشوفوا لونها وردي حتى أنا أنصدمت اول ماجاتني , لكن لمن أستعلمتها طلعت شفافه الحمدلله و ابدا ابدا مايبين البمبي مهما كان لونك , سعرها عندنا 150 تقريبا ريال .

الشدوهات الين دحين ماجربتها الصراحه فا ما أحكم و كلها مطفيه ماعدا الاصفر  , ألوانها حلوه بالذات الي جاي على رمادي و أوحش واحد الأصفر أصفر من قلب هههه فا ما أظن حستخدمه , بس العلبه من برا بالنسبه ليا تجنن يعني أقدر أشيل شدوهات منها و أحط الي أنا أبغى لقدام يعني تنفعني و أنا أحب الاشياء الي تكون أصدار محددود بدل مااحط في علبه صامته سوداء .

الروج أحمر صريح , كريمي ينساب بسهوله , فيه ترطيب و لمعه بسيطه جدا . حلو لونه يبيض الاسنان مو زي بعض الاحمرات الي تصفرهم , و اسمه الحب الحقيقي في أجمل من كده بالله , سعره 113 ريال و كل ماله في زياده .

نجي للهديه من أختي من مجموعة الورينق , أول مناكير ليا من ماك , نوعه بييرل , اللون يمثل السمك و كيف حراشفهم تلمع و تتغير هو زي كده في قليتر و لونه يتغير لمن تحركي اصباعك بس الغالب عليه فضي و رمادي غااامق , عجيب اللون الصراحه ما تلقي زيه كثير بعضهم يكون في الوان الطيف كلها اذا فهمتوا قصدي , أنا تكفيني طبقه لو ابغاها مو مره لامع و طبقتين لو ابغاه كله متغطي و مبين لونه صح فرشتهم حلوه حجمها مناسب لظفري , أظافيري مساحتها صغيره أنا و يتحط بكل انسيابيه و القليتر مرررره صغييير .

نجي لهبه جديده روج هيروين من ماك , ما أعرف هو كان مقطوع و رجعوا ماك ولا ايه مدري , بس فجأه كل المدونات و اليوتيوبر يتكلموا عنه , و السنه دي الموف فيها دارج بقوه و هنا دايما كل شي مخلص و افلام فا لقيته في موقع ماك و قلت لاختي أطلبي , الصراحه كنت خايفه أحطه لكن مع الوقت مرره عجبني صح هو لونه موف موف ماهو لون يومي , تقدري تخففي اللون و تغمقي زي ماتحبي , و الحلو أنه لمن يروح يسيب صبغ في شفايفك خفيف مو يبقى حواف , و مطفي .

في الاخير حبيت كل الي اشتريته , مجموعه ماليفسنت نزلت عندنا , و الورنق لسه باقي مانزلت انصحكم تشوفوا الشدوهات من الكولكشن  انا مالحقت على شي بامريكا خلصوا من اول يوم بس حستانهم امن يجوا عندنا ان شاء الله , تابعوني على انستقرام حتى تشوفوا متى تنزل .

مشتريات أخرى من أمريكا :

مشترياتي من أمريكا الدرق ستور / us drugstore haul