بسم الله الرحمن الرحيم
السلام عليكم ذبتوا مع الحر ولا للحين هههه , السنه بتجري بسرعه و وصلنا لاكثر من نصها فا مفضلات هالشهر أغلبها مكياج لاني كنت بحط مكياج كثير و بجرب أشياء كثير هالفتره , فا خلونا ندخل في المفضلات .
المكياج
أساس ديور ستار
هذا الاساس صار الاساس حقي للمناسبات و العزايم الكبيره يخلي بشرتي متوهجه و فيها لمعه معتدله و بما أني ماصرت أميل للاشياء الفل كفرج فا عجبني مره من يوم أشتريته مااستعملت غيره .
كونسيلر مايبلين ايج ريواند
هذا الكونسيلر قااااتل و متاكده حشتري منه كثير لحد الان خلصت علبتين , تغطيته متوسطه فا أنا استخدمه اضاءه فوق الكونسيلر و على حسب ثقل المكياج أختار اللون للمناسبات اختار واحد مايل للاصفر , و للمناسبات الصغيره اختار واحد مايل للبيج .
ايشدو اكوا ماتيك من ميك اب فور ايفر
هذا اللون يجنن حقيقي لو كنت مستعجله دايما اروح له يعطي لوك سموكي في ثواني و سهل الدمج و لونه مره قوي و كتبت تدوينه عنهم هنا .
روج لايم كرايم كاشمير
يالله مااوصف غرابة اللون بيج رمادي تقدري تحطي عليه اي محدد و يتغير لونه للون ثاني غريب , بس لازم معاه مكياج من دون برونزر و كده راح تباني جثه هههههه .
محدد لوميير من كلر بوب
صدقوني كل بنت تحتاج دا المحدد في حياتها رخيص كريمي و لونه جدا مناسب للكل مرره ماركة كلر بوب الصراحه منتجاتها كلها حلوه و اكيد بحط في المفضلات القادمه منها اشياء لاني استخدمها بشكل يومي .
العنايه
مزيل المناكير
معرف ليش حاطته بالعنايه هههه بس دا من مفضلاتي لانه بديل ارخص لمزيل سيفورا و بورجوا سعره بس 5 ريال من السوبر ماركت .
أقنعة و سكرابس من بيزلين
لو معي انتوا بسناب شات بتشوفوني كل مره استخدم واحد من هذه الظروف , و حقيقي كنت مره مستمتعه و كلها عجبتني بالذات سنفرة اللؤلؤ و سنفرة الفراوله يميي ههه , بكتب ريفيو عنهم كلهم ان شاء الله .
و بس والله انتهينا و ان شاء الله عجبتكم و حطيتوا ويش ليست , لو جربتوها لا تبخلوا علينا بالكومنتات و نهاركم سعيد .
No comments:
Post a Comment
لأي استفسار أتفضلوا...®