بسم الله الرحمن الرحيم
السلام عليكم , هالفتره راح أحاول ابدا في سلسله جديده و هي الكونسيلارت الي عندي يمكن 4 او 5 انواع راح اكتب ريفيو مفصل عنهم طوال هالشهر فا خليكم بالقرب , و اول واحد بتكلم عنه هو كونسيلر الفل كفر من ميك اب فور ايفر انا شخصيا أشتريته لاني كنت مسافره و راح اروح أسبح و ابغى مكياج ضد المويه و كان ناقصني كونسيلر و كالعاده و انتوا اتعودتوا معايا اني لو ابغى شي ضد المويه اروح طوالي لميك اب فور ايفر , و لكن بخارج البحر و السباحه صرت استخدمه في المناسبات فا خلونا نشوف كيف كان ادائه .
الكونسيلر متوفر منه 12 درجه لكن للاسف أنا أشتريته من سيفورا كان مو موجود الا درجتين او 3 , درجتي رقم 8 , سعره بحدده 160 ريال / سعودي , حجمه 15 مل , متوفر ببوتيك ميك اب فور ايفر وجووه و سيفورا , علبته عصار .
مميزاته , ثابت , خالي من العطور , يخفي الهالات بشكل متوسط و الحبوب كويس , ضد الماء من جد مايتحرك من دون مااثبته ببودره , أنا شفت بنات كثير يقولوا يخطط تحت العين عني ماخطط ولا شي ادمجه بالبيوتي بليندر و قوامه كريمي ثقيل مره حبيته , كميته كبيره و ماتحتاجي الا شويه منه يعني بيعيش معاك لانه علبته عمليه و ماتخرج منتج كثير يعني تقدري تتحكمي بالكميه .
عيوبه , ينشف بسرعه لازم تدمجي سريع سريع ولا حيتحول بودره و ماتقدري تدمجي , لو تحت عيونك مره ناشف ابعدي عنه , لا تستخدمي كااساس في كامل وجهك لانه حيمسك في كل بيبي هير و كل شي , انا سويتها على اساس انه واو ضد الكويه و ماعجبني شكله فا خلي على قد الحبه يعني المنتج مو للمبتدئات الصراحه لازم تعرفي له كويس ولا حيبان باودري مره .
التقييم /
A
No comments:
Post a Comment
لأي استفسار أتفضلوا...®