2016-04-09

ريفيو : باليت كونتور كات فون دي / Review : Kat Von D's Shade + Light Contour Palette











بسم الله الرحمن الرحيم


طبعا طبعا عرفتوا انه كات فون دي و اخيرا نزلت في سيفورا السعوديه , و اكيد بهذه المناسبه الساره لازم اعطيكم ريفيو عن المنتجات الي جربتها منها , فا راح ابدا اول بوست بريفيو عن الكونتور كيت لانها تستاهل ريفيو عنها , انا طبعا اخذتها من اول من سيفورا امريكا , هنا سعرها 220 و انا اشوف سعرها كويس , فا خلونا ندخل اكثر في التفاصيل .


مميزاتها , حجمها كبير و المنتج الي فيها كثير , بودرتها مره ناااعمه و تندمج بسرعه  احسن كونتور استخدمته لدحين , الوان الاضاءه الي فيها كلها مطفيه و دا شي مره تمام , فيها الوان كونتور تناسب جميع الوان البشره من البيضاء للسمراء مره و كلها في علبه وحده , علبتها كويسه و تنحط في اي شنطه تبان كبيره من بعيد بس من قريب لا عادي اخذتها بالسفر و عادي , اكثر لون استخدمه للكونتور الي على اليسار , و الاضاءه الصفرا اكيد بس عادي اخلطهم كلهم و كلهم حلوين , اللون الاصفر و المشمشي ابدا مافيهم لون قوي و اصفر بزياده بالعكس يعطوا اضاءه رائعه تحت العين انا استخدمها كااخر خطوه بعد مااثبت بلوس باودر الكونسيلر احط هذه للتنوير بفرشه صغيره , ثباتها عالي و لا تلطخ ابدا مع الوقت , الوانها قويه فا اختاري لون الكونتور المناسب لك , ولو حطيتي كثير ادمجي بفرشة بتودر كثيره .



العيوب , تتكسر بسرعه لانها ناعمه طيحه بسيطه او خبطه تتفتت و دا شي مره يقهر طبعا , مافيها اعادة تعبئه يعني لو خلصتي لون و كان هو المهم ممكن يخليك تسيبي الباليت و تروحي لباليت ثاني لكن لو كانت تتعبى راح يكون مره اسهل , اتمنى بالمستقبل تفكر فيها , و اكبر عيب فيها و مره يخليني ماافكر اشتريها ثاني هو انه مافي لون برونزوي ولا واحد كلهم رماديات و دا شي مره مره مره مهم بالنسبه لي احب اعطي دفء لوجهي , فا معاها لازم اجيب برونزر عشان استخدمه و يكتمل اللوك , يتناثر كثير , ما استخدمها لتثبيت الكونسيلر لازم قبلها لوس باودر ولا حتكتل .


بالاخير اكثر سوال يجيني هي افضل ولا انستازيا او ايش افضل كونتور كيت ؟
لكل وحده مميزاتها بس راح ابسطها لكم لو كان لاستخدام شخصي خذي انستازيا و انت مغمضه لانها مجمعه كل شي تبغي  , اما لو كنت ميك اب ارتست و عندك ناس كثر تمكيجيهم و تحتاجي ثبات اكثر و دمج كويس خذي كات فون دي , بالنسبه للثبات كات فون دي ثباتها مره اعلى من انستازيا بمراحل , و بالاخير يبقى رايكم هو الاخير ان شاء الله تستفيدو من الريفيو و تخلصوا منه و انتوا مقررين ايش تبغوا و اذا تحبوا هنا ريفيو كامل عن كونتور انستازيا  , اشوفكم في ريفيو قادم من منتجات كات فان دي ان شاء الله .



 التقييم /
A



No comments:

Post a Comment

لأي استفسار أتفضلوا...®