بسم الله الرحمن الرحيم
نكمل تدوينات منتجات ماركة انستازيا بيفرلي هيلز , حتكلم عنه بشكل عام ثم أقسم الالوان كل واحد لوحده , نبدأ من فين أشتريتها أخذتها من موقعهم الرسمي سعرها 40 دولار , الدرجه Light to Medium , صالح لمدة سنه ( و الباودر تعيش أكثر لو أهتميتي فيها ) تحتوي على 6 بودرات مقسمه 3 للاضاءه و 3 للكنتور.
مميزاتها , جدا عمليه حجمها صح أصغر من الصور بكثير حجمها قد كف اليد بالضبط ههههه , بس مناسبه للسفر, جدا خفيفه , لها قفلة مغناطيس قويه حتى تضمني أنها ماتنفتح , لها قابلية تعبئة ألوان و متوفر في الموقع 28 لون تقدري تختاري منها و هذا شيء جدا حلو و مناسب للميك اب ارتست أو اذا عجبك لون محدد تقدري تشتري لوحده مو لازم العلبه كاملها , أنا بصفه عامه العلبه تستحق الشرااااء حقيقي جدا فنانه الكونتور لونه و كميته الي تطلع بالفرشه جدا مناسبه , الدمج بسهوله يندمج يعني ابدا مايلطع و تتوهقي فيه و هذه كانت مشكله و اكيد كثير يعانوا منها , حبيت بودرات الكونتور أكثر من الاضاءات , بصفه عامه البودرات ناعمه و ماتحتاج خبيره حتى تتعامل معاها أي بنت عاديه مع تعليم بسيط راح تبدع فيه , اللون و الدرجه الي عندي أحسه مناسب لكل البشرات طبعا مع الاخذ بالاعتبار انه لو بيضاء تخففي يدك ولو سمراء حتزيدي طبقات , بس الدرجات الثانيه حسيتها مره غااامقه و ماعجبتني , حبيت فيها تنوع الالوان المناسب للكزنتور انه فيها الوان دافيه و الوان بارده لاني أكره الكونتور الرمادي اميل للبرونزي أكثر , و الاضاءات الوانها حلوه و خفيفه .
عيوبه , أتوقع أنه بيخلص معي بسرعه لانه صغير بس البنات الي مايحطوا مكياج كثير بيكون جدا مناسب لكم فا هذا عيب فردي خاص فيني هههه لاني أحط كونتور و كده كثير , البودرات الاضاءه حسيتها شوي طباشيريه مو ناعمه مره زي الكونتور و مو حلوه ابدا لتثبيت الكونسيلر لازم قبلها أحط بودره تثبيت ( مثل البنانا باودر ) و بعدها أحط هذه حتى تعدل اللون بس لوحدها مو حلوه , الهايلايتر حلو بس للوكات بسيطه مو حق سهره , ثباتها متوسط و يفرق حسب الاساس المستخدم بس بشكل عام متوسط يخف بعد فتره , بالنهايه الباليت حلووه و أكيد أرجع أشتريها و أنصح فيها للكل ..
طريقتي بالكنتور / أحط اللون الي بالوسط خط مستقيم و ادمجه تحت عظمة الخد , بعدها أدفي الوجه بالبرونزر الي على الاجناب أدمجهم الاثنين سوا و احطه كابرونزر , و الاضاءات أستخدم الصفرا و المشمشيه تحت العين و أكيد الي بلمعه على عظمة الخد فقط.
الالوان من اليمين لليسار
التقييم /
A .
No comments:
Post a Comment
لأي استفسار أتفضلوا...®