2016-06-25

ريفيو : كونسيلر الترا اتش دي من ميك اب فور ايفر / Review : MAKE UP FOR EVER's Ultra HD Concealer








بسم الله الرحمن الرحيم



اليوم قلت اكمل على الريفيو السابق و انزل ريفيو عن كونسيلر الترا اتش دي  الجديد من ميك اب فور ايفر , عندي درجتين وحده مايله على مشمشي و وحده فاتحه عشان الهايلايت ,  الفكره من التدرجات اللونيه انه الدرجات المشمشية تغطي الهالات و تصحح اللون و الفاتحه تعطي انارة من بعده او لوحده لو ماعندك هالات , فا خلوني اعطيكم تجربتي معاه .




مميزاته , يعطي ضوء تحت العين بشكل مو طبيعي و اكيد حلو يعني كمية بسيطه تغطي مساحة كبيره و تعطيك اضاءه و تغطية سريعة  لمن اخذت دورة مع خبير التجميل اللبناني بوبا و استخدمه على المودل و كان بيصور فيديو لاحظت على طول انعكاس اضاءه التصوير و التنوير تحت عين العارضه من اول مادمجه فا كنت جدا متحمسه اجربه , و طبعا لانه اتش دي فا هو رائع رائع بشكل في التصوير يخلي تحت عينك صحي من دون مايعكس فلاش حتى مع الدرجات الي جدا فاتحه , يرطب تحت العين و ابدا ما نشفها بس لازم تثبتي بسرعه , يناسب مع لوك بسيط او حتى لو ماتبغي تحطي مكياج بس تبغي شي بسيط ينور لك مره انصحك فيه ( لو ماعندك هالات غامقه طبعا ) , خفيف على البشره ابدا ماتحسي بطبقة ثقيله عليك , مناسب انا بنظري لكل يوم , مناسب للبنات الي دايما يعانوا من جفاف تحت عيونهم و الكونسيلر يقشر معهم .


عيوبه , التعليب الصراحه ينضغط و يخرج كمية كبيره اكثر من الي احتاجه دايما , حجمة صغير جدا و يخلص بسرعه , تغطيتة مو مره عالية احتاج احط طبقتين منه على الاقل و لانه عندي هالات مااقدر استخدمه لوحده حتى الدرجة المشمشية تقلب معي رمادي , لو ماثبتي كويس و انا كمان لو استخدمته لوحده من دون كونسيلر ثاني تحته و بودره كويسه للتثبيت يخطط معي لانه يعطي ترطيب كما ذكرت سابقا , درجاته محدوده جدا و تميل للفواتح اكثر , لازم تستخدمي فرشة معاه للتوزيع , فا بالنسبه لي استخدمت الاضاءه اكثر من اللون المصحح لانه احتاج اضاءه وهو يعطيني اضاءه و لكن احتاج تغطية عاليه وهو مايعطيني هي فا لازم استخدم كونسيلر ثاني قبله و مصحح .

و هذا لوك استخدمت فيه الكونسيلر و لاحظوا كيف نور تحت عيني 






 التقييم /
C

No comments:

Post a Comment

لأي استفسار أتفضلوا...®