بسم الله الرحمن الرحيم
لي فترة طويلة ماكتبت ريفيو عن اساس و جالسة اجرب كذا اساس و طبعا الاساسات لازم تاخذي فتره حتى تجربيهم و تختبريهم , فا ان شاء الله انتظروا ريفوهات كثير عن الاساسات الي جربتها , نبدأها مع الضجه الجديده اساس الستيك من ميك اب فور ايفر , طبعا الفكر العام من القدم عن هذا النوع من الاساسات انه ثقيل صعب التوزيع , فا خلونا نشوف ميك اب فور ايفر و كيف طورت هذا الاساس , أشتريته من سيفورا , سعره 170 ريال / سعودي تقريبا , عندي منه 3 درجات للكونتور و الهايلايت و لون بشرتي .
مميزاته ,كريمي , تغطية عالية جدا من اول تغطية , خفيف على البشره بشكل لا يصدق انه ستيك و يندمج مع بشرتك و يصير منها و فيها , يخلي بشرتك زي اللوحه صافية مافيها ولا شوائب و مخملية جاهزة للرسم عليها , والله كل مااحطه يسالوني ايش حاطه اساسك عجيب , رائع في التصوير مايعكس فلاش ابدا , الدرجات متفاوته في الغامق و في الفاتح في الي رايح على بيج و الى على اصفر , يعني اتوقع الاغلب بس مو الكل بيلاقي الدرجة المناسبة له , ممتاز للوك سريع و سهل التوزيع , دايما اخذه لو بحط مكياجي في وقت قصير لانه سهل سهل بتوزيع جدا , الكونسيلر و الباودرة و البلاشر يندمجوا فوقه بكل سلاسة , مناسب للبشرة الدهنية و العادية الجافة مو الكل فا انصحك بالبداية تجربي بالمحل و تجلسي فيه كم ساعه و تقرري بعدها لو بشرتك جافة لو لا خذي و انت مغمضة , تقدري تزيدي طبقات بس ماانصحك تكثري مره , مو مره مطفي ولا لمعة يعني مطفي بس يعطيك مظهر صحي و يعكس ضوء ويعطي البشرات تموجات مايخليها مسطحة , اللون الغامق للكونتور سحر لو تحبي الكونتور الكريمي او انت ميك اب ارتست لازم لازم تجربي .
العيوب , الوانه كثير بس عندنا مو متوفرة كل الالوان جدا محدوده حسيتها , ثباته الصراحه حسب المنطقة يعني من الانف يكتل و الذقن غالبا يخف بالذات الذقن بس انا مااكثر بودرة عشان لا يكتل كمان فا ممكن دا السبب يكون , مو مره ممتاز مع البشرة الجافة , اذا اخترتي لون مو مناسب بيقلب رمادي طوالي , كميتة قليله و بيخلص حقي باقي فيه ربع , التعليب ما عجبني الغطا يتفك بسهولة في الشنطة و التعليب بلاستيك سكلة و احساسه رخيص مره
طريقة الاستخدام , لازم لازم و اكرر لازم ترطبي قبله كويس بالذات في خطوط الابتسامه الجبهه , بعدها اوزعة بالستيك نفسة على الجبهه الانف الخدود الذقن , بعدها اجيب فرشة اساس للدمج و اوزعة بالطبطبة لين يتوزع بكل الوجه , بعدها اخلي شوي يثبت و اجيب البيوتي بليندر مبلله شوي و ادمج كخطوه اخيره و احط بودرة .
A
No comments:
Post a Comment
لأي استفسار أتفضلوا...®