بسم الله الرحمن الرحيم
كيف حالكم و ايش اخباركم مثل ماشفتوا في الاسبوع الماضي حضرت افتتاح محل لش بالسيتي ووك بدبي , المحل جدا كبير و يفتح النفس اكيد دامه لش , لش عندهم 939 محل موزعين في 50 دوله , خلوني اخذكم في جوله في ارجاء المحل و مع هول بالنهايه كمان و خلينا نقول اني خرجت عن الحدود في الشراء .
من الاشياءالحصريه الي موجوده في المحل بالشرق الاوسط بالامارات بدبي سيتي ووك اول شي سبا للشعر و البشره , تقدري تحجزي موعد و يسولك و يختارولك المنتجات المناسبه لك الي تكون محضره بنفس الوقت بمواد طبيعيه من ماسكات للشعر و كريمات و يعطوك نصايح من الخبيرات الموجودات .
و كمان في غويرلا بورفيوم غرفه في استشاره للعطور مع اخصائيه تساعدك و تختار لك برضو العطور المناسبه للشخصيتك و ذوقك و كلها فيغان و طبيعيه , و الغرض منها تعيشي تجربه كامله مع الزيوت العطريه و الروائح المختلفه .
طبعا كان نازل الان المجموعات الخاصه بالهالوين و الكريسماس فا كان المحل كله مليان منتجات حصريه , اشهرهم املاح الشاور و رغوه الشاور , من منتجات لش المشهوره جدا و ايضا عندهم شاور جيل و مقشرات صوابين مساج بار ماسكات طبيعيه لازم تحطيها في الثلاجه ولها وقت انتهاء سريع اسيبكم مع صور لبعض المنتجات
و في كمان منتجات عجيبه و شكلها غريب و هي زي معجون و معطرات للفم تحطيها و تمضمضي فيها لكن ماتبلعيها طبعا انا فكرت ابلعها كويس نبهتني ههههه
و في شي مره حلوه لو اختك او صحبتك تحب لش ممكن تحجزوا المحل لحفله تكون فيها جلسه سكرب و موسيقى و اللعب بالباث بمب مع مجموعه و السعر بالشخص و يخلتف حسب المده و الخدمات المقدمه .
و اكيد كان في مجموعة هدايا مجهزه لليحب ياخذ اشياء مغلفه و جاهزه , في اشكال و الوان و احجام مختلفه كل واحد احلى من الثاني , و اسعارهم كويسه .
و دحين ندخل في الهول و القودي باق الي اعطوني هيا لش .
مقشرات الشفايف و اخيرا لقيت الببل قم من زمان ادور عليه بجده دايم سولد اوت للاسف .
و هذه حصيلتي من مجموعة الهالوين فيها ريحة البهارات و القرفه .
و الكرسمس يجننوا كلهم بينك و قليتر و اخذت الشاور جيل الي كل سنه ينزل و برضو ريحته ببل قم يجنن لازم تجربوا لو تحبوا ريحة السويت .
و كمان اخذت المقشر المشهور جدا رب رب رب من كثر ما صحباتي البلوقرز و في كل العالم اصلا يمدحوا .
و الشي الي رجعت اشتريته مره ثانيه هو بخاخ المهديء للوجه اااه كم مره بسناب تكلمت عنه كلمة يجنن قليله عليه مره يهدئ البشره و يخليك ريلاكس , معايا و جنب السرير دايما ابخه فا اخذت العلبه الكبيره .
و كمان دا اخذته على مدح البنات هو مرطب في الشاور بجربه اكثر و اقلكم كيف .
محتويات القودي باق
هذا الشي العجيب عباره عن بودرة تحطيها فوق زبدة الجسم او الكريمات الثقيله و تطفي اللزوجه منتج عجيب بس بجربه اكثر و اقلكم .
و بس هذه نهاية البوست ان شاء الله عجبكم , و شكرا لش على الدعوه و التجربه الجميله , جدا استمتعت بوقتي و ان شاء الله نتطلع لافتتاح محلات اكثر و في مدن اكثر .
No comments:
Post a Comment
لأي استفسار أتفضلوا...®