بلوق لوفين موقع للمدونات و التسجيل فيه / Bloglovin

السلام عليكم و رحمة الله و بركاته

اليوم بتكلم عن موقع صار مشهور في الفتره الأخيره و هو مفيد و مهم للكل المدونات أو الي يحبوا يكونوا على أطلاع دايما بأخر تدونيات نزلوها مدوناتهم المفضلين  .

* بالنسبه لغير المدونات  زيه زي أي ببرنامج تدخلي تسجلي و تبدأي تعملي فولوا للمدونات طبعا بس المدونات الي ضايفين البرنامج حيطلعلك كل المواضيع الي نزلوها زي اي برنامج أخر الأحداث تشوفي وتحطي لايك للمواضيع الي عجبتك و يوريك كل المواضيع الي ماقرأتيها عشان لا يفوتك شي  رابط الموقع

* أما المدونات فا يسجلوا أول شي و بعدين يعملوا أضافه لمدونتهم تلاقوها في تعديل البروفايل تاخذي رابط المدونه العام مو يكون لموضوع , و بعدها تختاري نوع مدونتك مليان مجموعات جمال ديكور ... الخ

هنا بعض الصور توضح بس ممكن تفتحوا طريقة التسجيل من قوقل اذا ما عرفتوا .

هنا البروفايل حقك و على الجنب المدونه تدخلي تعديل البروفايل

حتنزلي تحت تلاقي أنك تقدري تضيفي المدونه تحطي رابطها و اسمها و كذا 

بعدين عشان تتأكدي أنها أنضافت تضغطي Claim blog و حيطلع مستطيل بحث تكتبي اسم مدونتك و حيبان لك اذا طلعت في النتائج يعني أنضافت خلاص .

و بعدها تضيفي رابط صفحتك في Bloglovin على مدونتك زي انستقرام و تويتر هو يوفرلك صور تقدري تحطيها جاهزه من هنا 

او تعمليها بنفسك و تحطي الرمز الي تبغي زيي أنا حطيت رمز قلب له 

و مليان مدونات متخصصه في كل شي تقدري تبحثي عن اي شي تبغي موضوع او مدونه .

طريقة عرض المواضيع جميلة 

و في النهايه فضي نفسك و أعملي الحساب لأنه مره حيساعد مدونتك و أسهل أنا أكثر شي أحب أقرأ فيه لكن مو الكل المدونات العرب الي أتباعهم يستخدموا , و لا تنسوا تضيفوني لو فتحتوا حساب اسمي RaneemIsm

و هنا روابط للأندرويد و الايفون 

 

و أعذروني لو غلطت في شي , شاركوا الموضوع و أنشروا لأي أحد مهتم .