مفضلات شهر ربيع الثاني / February Favorites

السلام عليكم و رحمة الله و بركاته

و نبدأ في مفضلات هذا الشهر .

• Gentle foaming hand soap " Apple Harvest

الصراحه ما قد جربت صابون الا الموجود في السوبرماركت بس مره ماما جابت ليا من أمريكا و عجبني , لمن باث اند بودي عمل تخفيض قلت أخذ الصراحه ياريتني أخذت مليون حبه مرره الريحه تعبي يدك كلها و انت بتغسلي كأنك في مزرعة تفاح على أساس كنت في وحده من قبل هههه بس الريحه مره جميله .

• Real Techniques " Pointed foundation brush .

  الفرش دايما تحاولي تغيري أستخدامتها و تسخدميها في أشياء جديده ممكن تناسبك , هذه الفرشه للأساس بس جدا صغيره , فا دحين بستخدم ماك برو لونق وير , ومره سائل , فا الفرشه الي كنت أستخدمها ماناسبتني فا غيرت لهذه و مررره كويسه للكونسيلر السائل أطبطب على الكونسيلر و على طول تدمجه , أخيرا لقيت لها أستخدام .

• Real Techniques " Domed shadow brush .

هذه الفرشه أول كنت أحط بها الشدو مدري أيش كنت أحس فيه , بعد كده قلت ليش ما أستخدمها للدمج و طلعت ممتازه جدااااا تدمج بسرعه من غير تعب , هي كبيره شويه يعني تدمجي الألوان ككل مو خط محدد بشكل مركز .

• Bobbi Brown " Long Wear Foundation .

هذه عينه من أساس بوبي براون للبشره الدهنيه تغطيته جميله من أول طبقه , ثباته من متوسط لعالي قوامه على الوجه متوسط يعني مو مره خفيف و لا مره تحسي طبقه فوقك , يعني ممكن أشتري في يوم بعد ما أجرب أشياء ثانيه  لأنه القائمه ما تخلص , بس كنت مستمتعه و أنا بستخدمه .

• sedu hair straightener .

كنت أبغى مكواة للشعر فا فتحت اليوتيوب و حاولت الاقي وحده شعرها يشبه نوعية شعري و أشتري الي أستخدمته و بالفعل دورت و لقيت أخذته من أمازون غالي شوي بس منقذ بالنسبه ليا أختصرت لي مشوار سشورة شعري من ساعه و نص الى نص ساعه او ساعه الا , ماصرت أشيل هم السشوره دحين و كمان مع السشوار شعري كان ينفش غالبا الحمد لله الحمدلله مع المكواة يجلس زي ماهو طول اليوم ما اقدر أتخلى عنها و ياريتها عندي من زمان , الي عندنا حجمهم صغير و حرارتهم موعاليه , هذه ما أحتاج أعيد مليون مره عشان يصير الشعر مسشور مره وحده و أعيد مرتين على الجذور و خلصتي .

American Apparel Nail polish in Office .

أنا خلاص مستعده للربيع و بدأت في الوان الباستيل , و مناكيرات أمريكان أبريل ما عليهم كلام جميلين العلبه كبيره حيكمل سنتين و هو ما كتل الحمد لله كل الالوان و أحلى شي فوقه مناكير ذهبي الي يتكسر تلاقوا الصوره في انستقرامي حاطتها Raneem _ism .

• Endomondo .

أخر شي هو برنامج مجاني تحملي على الايفون , للرياضه يعني أنا بحاول أمشي كل يوم أو أقل شي 3 أيام بالاسبوع فا هو عباره عن تحطي ايش الرياضه الي بتعمليها بالنسبه ليا المشي و يجلس يحسبلك مثلا بعد ساعه كم حرقتي كم كانت سرعتك , و في تحديات تقدري تشتركي فيها أنا مشتركه انه أكمل 2014 كيلو في عام 2014 مثلا مليان تحديات و مليان رياضات , جري و سباحه و تزلج و كل شي 

أتمنى تكونوا أستمتعتوا و  أستفدتوا و لو شويه , مع السلامه .