بسم الله الرحمن الرحيم
و اليوم كمان عندنا سلسله جديده بالمدونه و هي سلسة المقارنات بين منتجين سواء كانوا بدائل أرخص , يؤدوا نفس الغرض , متشابهين في الألوان بس من ماركات مختلفه , يعني مو حصري لبديل أرخص فقط و لكن أنا أحب أنكم تكونوا متطلعين على كل الماركات , فا خلونا نبدأ أول تدونه لنا .
مقارنتنا الأولى بتكون عن منتجين رخيصين و لهم نفس العمل , الكحل البيج بديل أخف حده لتوسيع العين من الكحل الأبيض , حتكلم بشكل عام مميزاتهم و عيوبهم و بشكل خاص عن كل واحد .
نكس وندر بينسل / متوفر منه 3 ألوان بيج يعني للبيض و السمر يكون اللون أخف فا هذا ميزه جميله , درجتي أفتح وحده و هي WP01 Light/Clair , يستخدم كا كونسيلر / اضاءه للعين , و ممكن محدد شفايف من فوق حتى يعطي اضاءه اذا ماتحبي شي بلمعه , سعره 4.50 دولار أمريكي يعني 17 ريال / سعودي تقريبا , حجمه 1 جرام , صالح لمدة سنه من تاريخ الفتح , مايعملوا أختبارات على الحيوانات , مصنوع في المانيا , أشتريته من أمريكا من صيدلية CVS و موجود في كل مكان فيه نكس.
كحل كاجال من لوك / متوفر منه ألوان ثانيه زي الاخضر و الازرق و هكذا , الدرجه 605 , سعره 10 ريال سعودي , أشتريته من الهرم شارع الأمير سلطان بجده محل صغير تحت في شوية مكياج , صالح لمدة سنتين , حاولت أدخل على الموقع المكتوب عليه الصفحه غير متوفره ههه .
نبدأ بالمميزات العامه , يرسموا من أول مره ما تحسي عينك راح تنجرح , يبان اللون فورا , يعطي وسع للعين أكيد , ألوانهم طبيعيه , أسعارهم جدا رخيصه , حجمهم كويس , ألوانهم مو مثل بعض لوك أحس في لمحه ورديه من جهة نكس مايل للصفار أكثر بس بالعين مثل بعض , ما حسسوا عيني ابدا , , حبيتهم كأضاءه تحت الحاجب بالذات نكس يندمج بسهوله , عيبهم الوحيد أنه ثباتهم متوسط فقط يعني لازم تعيدوا عليهم , يناسبوا خرجات بسيطه .
نجي للعيوب الخاصه بنكس وندر بينسل , كا كونسيلر حسيته جدا جاف و على الحبه يكتل مره و مايرضى يندمج , فوق الشفايف كأضاءه ماحبيته حسيت أنه كونسيلر أكثر من اضاءه فا أحس أنه الروج ناقص كده .
 |
| السواتش |
التقييم /
A
No comments:
Post a Comment
لأي استفسار أتفضلوا...®