تجربتي مع تبييض الاسنان بالبلازما في عيادة الموج

بسم الله الرحمن الرحيم 

بقلكم تجربتي بالتبيض الاسنان بتقنية البلازما , كان في عرض في عيادة الموج تنظيف و تبييض  بـ 500 ريال و أنا كنت محتاجتها , رحت العياده مو مره نظيفه و الدكتوره شويه لكعه و أخذت وقت عبال جاتني الغرفه .

وقعتني على ورقه أنه ما أشرب شاي قهوه و أي شي ملون لمدة أسبوعين , سألتها هل حيكون في تغيير قالت جدا بسيط أتردتت بالبداية بس كملت , نظفت أسناني بعدها دهنت معجون على كامل الأسنان و حطت لي ليزر أزرق يجلس لمدة نصف ساعه , و قالت ممكن يألمك شويه , و كل بعد فتره تجي الممرضه تسألني في الم أو شي .

الحمدلله طوال الوقت ماحسيت بالم ولا بعدها ما حسيت بشي , خرج مني دم و أنا بتمضمض بس قالت عادي حيروح كل شي , بيضت اسناني درجتين زياده و صارت تلمع و أحسن من الصفار الي كان قبل الصراحه الحمدلله و الاسنان مو كلها تستجيب بعضها يبيض أكثر من الثاني  , جربت أكل ايس كريم و ماء بارد الحمدلله ما تأثرت بس يفرق أكيد اذا كانت أسنانك بطبعها حساسه ممكن تكملوا التبييض بالجهاز المنزلي يبيعوا عندهم .

أنصح فيه ولا لا ؟ اذا كنت مضطره و عندك شي قريب مثلي سويها تستحق , أما لو كنت تبغي تبييض دائم لك لا أشتري لصقات كريست أوفر لك , أنا ماعملت كريست لانها تاخذ وقت و أنا كنت أحتاجه في وقتها , و بس ان شاء الله يكون موضوع خفيف و مفيد .

هذا موقع ينزلوا فيه أخر العروض الي عندهم دايم شيكوا عليه 

http://almawj.net/promotions/

 التقييم /
B