السلام عليكم و رحمة الله و بركاته
و أخيرا سافرت دبي زي كل الناس ههههه رحنا عيدنا هناك و الحمدلله مره انبسطنا فا طبعا أنا كنت رايحة أدور على الماركات الي ماعندنا منها عشان أجربها حاولت أني أخد شي مو عندي و في نفس الوقت تكون الماركة مشهورة به فأول شي رحت سيفورا أتوقعته يكون أكبر من كتر ما أسمع الناس تتكلم عنه ماحسيت أنه مره لفت انتباهي شي .
فرحت لسماش بوكس يقولوا موجوده في جده بس لحد الان مالقيتها كنت محتاجه أجرب برايمر للوجة فدي الماركة مره مشهوره بالبرايمرات حقها و لكل بشرة عندها نوع فا الي بتبيع اقترحت لي اخد دا النوع اسمه Photo Finish Hydrating , سعره 170 درهم / اماراتي , و هنا ريفيو عنه .
ثاني شي بما أنه مشكلتي الكونسيلر و كان يقشر معايا مرات فقلت أجرب برايمر مخصص لتحت العين , اسمه Photo Finish Hydrating Under Eye Primer , سعره 135 درهم / اماراتي , ريفيو هنا .
بعدها رحت لاربن ديكاي أخدت كحل ضد المويه أنا استخدم ايلاينر أسود فأخدت كحل ملون عشان احطه تحت الشدو او ارسم بي عيني من تحت اخدت لون وردي و كحلي كلهم في لمعة كنت أبغى الموف الغامق بس للأسف كان مخلص و نسيت أدور في مكان تاني , اسمهم x 24/7 Glide-on eye pencil , سعرهم 94 درهم / امارتي ( للواحد ) .
بعدها جربت الشدوهات و أخدت شدو ينفع ممكن للدمج اسمه Naked , سعره 94 درهم / اماراتي .
بعدها رحت لي ايلاماسكا و طبعا مره مشهوره مناكيراتهم كان في مناكير مره فزيع نزله و كان لمتد اديشن و مره زعلت انه اكيد ماراح الحقه بس دخلت المحل أول شي في جهي شفته هو الحمدلله , اسمائهم CREATOR - SCARCE - HARSH , سعرهم 88 درهم / اماراتي للواحد .
وأخيرا رحت بوبي براون و أكثر شي مشهور المصحح ( الكوريكتر ) الي ينحط قبل الكونسيلر لتصحيح الهالات تحت العين
و أخدت الكونسيلر و يجي معاه بودرة اديتها أنا كونسيلر حق ماك عشان تديني اللون زية و قالت دا كويس و مره غامق احسة معرف ليش سمعت كلامها يمكن لاني كان أخر يوم و مستعجلة هههه , اسمه creamy Concealer , درجتة Warm Honey للكونسيلر , و Pale yellow للبودرة .
و أخيرا توم فورد موجود في دبي و حاليا أتوفر بالرياض كمان , يكفي الشياكة الي حاطينها في علب مكياجهم و اذا تحبي المكياج مررره لازم تمتعي نفسك بدا الشي الجميل ما راح تندمي , درجتة BURNISHED AMBER 06 , سعره 345 درهم / اماراتي , و هذا ريفيو عنه .
No comments:
Post a Comment
لأي استفسار أتفضلوا...®