السلام عليكم و رحمة الله و بركاته
اليوم الريفيو عن بلاشر من ايلاماسكا , ماركة بريطانيه , الي جذبني لها أول شي البلوقر و اليويتيوبر البريطانيه و ثانيا شكلها المميز , البلاشرات , الاضاءات , الشدوهات كلهم نفس الشكل بس الاحجام تختلف فا لسه ماجربت أشياء كثير منهم لكن شويه شويه لأني متفائله فيها خير .
طبعا الماركه مو موجودة بالسعوديه كالعاده أخذتها من دبي مول محلهم الخاص , متوفر انواع للبلاشرات في الكريمي و الفيلفيت و الباودر و دا الي عندي , اسمه Chased , سعره كان ب 110 درهم / اماراتي , يحتوي على 4.5 جرام , ثباته متوسط , أنا أخذته لأني كنت أبغى شي فاتح و ناعم , اللون يناسب النهار طبعا و فترة الربيع و الصيف ممكن تحطي أي وقت مافي قلتر .
مميزاته جدا ناعم و يندمج بسهوله مسحه خفيفه بالفرشه تطلعلك اللون بسرعه مايحتاج تحفري و تعيدي زي بعض البلاشرات , علبته جميله و كبيره , عيوبه أنه مو ثابت طول اليوم يعني لازم أخذه معايا في الطلعه , و يطبع كثير يدك لازم تكون خفيفه مرره لأنه ممكن تصيري بهلوان فا أنا أحطه و أرجع أخففه بفرشة البودره الكبير , و أكيد حرجع أجرب لون ثاني و اللون الي حاطه عيني عليه أسمه Disobey لونه مره حلو فوق أي برونزر تستخدمي لو رحتوا المحل جربوا , و هذا رابط الموقع تقدروا تشوفوا السواتشات و الالوان كلها .
التقييم /
B
No comments:
Post a Comment
لأي استفسار أتفضلوا...®