مشترياتي من ماك - فيكتوريا سيكرت - ايستي لودر - بوتس - ysl

Welcome To My Haul

هذي أشياء أشتريتها خلال كم شهر و جمعتها لكم في بوست واحد ان شاء الله يناسبكم شي منها .

شنط مكياج تجي الثلاثة مع بعض ثلاثة أحجام و من كولكشن جديد عشان تمشي مع الصيف و البحر و كدة :p و في لون بمبي ( زهري ) دول اللونين الي شفتهم بس أخذتهم من فيكتوريا سيكرت فرع سوق حراء الدولي سعرهم 200 ريال / سعودي .

من  صيدلية بوتس فرع سوق حراء الدولي أخذت ماسكارا ضد المويه من مايبلين اسمها Turbo boost , سعرها 41 ريال / سعودي  , اذا تحبي تشوفي ريفيو عنها هنا, قطن للتنظيف المكياج 160 حبه , سعرها 8 ريال / سعودي مرره كويس و رخيص , جل حلاقة للنساء , مره كويس و يخلي الموس يشيل بسرعة , سعره 25 ريال / سعودي .

بيس و توب كوت ( البيس ينحط قبل المناكير عشان يحافظ على الاظافر من أنه تتأثر من المناكير و التوب كوت بعد ماتحطي المناكير عشان يدي لمعه بس ماحسيت أنه مرره يمنعه من أنه يشتقق ) لو كنت دايما تحطي مناكير مره تحتاجي تستخدميهم , سعرهم 28  ريال / سعودي , الأثنين يجوا مع بعض و هذا ريفيو عنهم .

و من ماك التحليه سنتر أخذت  استديو فينيش كونسيلر Studio Finish concealer , سعره 105 ريال / سعودي , تبغوا ريفيو عنه هنا

و معه أخذت بودرة منرلايز سكين فينش ناتشورال - Mineralize Skinfinish Natural , سعرها ١٤٠ ريال / سعودي , و الريفيو عنها هنا

و من استي لودر في باريس غاليري فرع التحليه سنتر , أول مره أجرب الماركة لكن شكلها مره حلوه و فخمه  أول شيء روجين اسمهم  (01 Stay Rose) و (05 Stay Mauve ) سعرهم 149 ريال / سعودي الواحد ريفيو عنهم هنا , و أخذت بعد كحل أسود - Double Wear Stay-in-Place Eye Pencil سعره 108 ريال / سعودي الريفيو , و بعد كده مره كنت نفسي أجرب السيروم حقهم لأنه مره مشهور في كل مكان فا لقيت عليه عرض فقلت فرصه يجي فيها المجموعه السيروم للوجه Advanced Night Repair  مرره , معاه هديتين كريم للعين و للوجه سعر المجموعه ٣٤٦ ريال / سعودي ريفيو عنهم هنا , و أخيرا  الكلونيا الجديده Sensuous-Noir ريحتها جدا شرقيه بس مو عوده ما أعرف ايش هههه سعرها ٣٨٤ ريال / سعودي .

و أخيرا من  فافافوم فرع  روشان مول - دوار الكرة الأرضية  روج من Ysl لونه لحمي تقريبا اسمه Rouge-Volupte 23 سعره  190 ريال / سعودي , ان شاء الله تكونوا أستفدتوا و استمتعتوا .