السلام عليكم و رحمة الله و بركاته
ريفيو عن منتج ثاني ما خيب ظني من ايستي لودر , كحل أسود أول ما أشتريته قالتلي البياعه أنه طبي و مناسب للعدسات ما يغبش و كده , أخذته من باريس غاليري التحليه سنتر , سعره 108 ريال / سعودي , اسمه 01 Onyx .
أنا أحب أكحل عيني من جوا من فوق عشان يعطي رموشي عمق و كثافه , فا أستخدمت كثير مايبلين كم نوع حتى الجل ماجلس معايا لكن هذا ما أقلك أسود جامد للنهايه لكن موجود , اللحين أخر ايام بدأت أستخدمه للرسم بدل الايلاينر , فا وحده بتسألني و انصدمت أنه مو ايلاينر , فا مميزاته جدا كريمي مايحتاج تضغطي على عينك حتى يترسم يترسم بكل سهوله و دا أهم شي عندي في الاكحال , سواده مميز الصراحه غامق مايبان انه كحل طبعا حطي كم طبقه بس بما انه سهل في الرسم ماراح يتعبك , طبعا الحجم زي كل الاكحال أشوف حجمه كويس و كبير , في أخره في اسفنجه لو تبغي تدمجي فيها حلوه هذه الحركة لتحت العين , عيوبه يخرج شويه منه عند زاوية العين فا لازم أشيك و امسحه بعد فتره , ألوانه محدوده فقط الاساسيات مافي تنوع , على اسمه stay in place لا ثباته متوسط و لكنه أفضل من كثير , أرجع أشتري ولا لأ هو سعره غالي على كحل و لكن الي تعاني من تغبيش العدسات أنصحها فيه طبعا , السواتش أول واحد مشيت بالخفيف الثاني ثقلت الثالث عدت عليه كم مره .
التقييم /
C .
No comments:
Post a Comment
لأي استفسار أتفضلوا...®