مفضلات شهر جماد الأول / March Favorit

السلام عليكم و رحمة الله و بركاته 

مفضلات الشهر هذه تقريبا اغلبها من الي اخذته في سفري و كمان مافي شي للعنايه , لانه في السفر الصراحه ما أخذت أشياء عنايه لأني عارفه حرجع تعبانه و أناام يا دوب أنظف مكياجي بس , و خلونا ندخل في المفضلات .

نبدأها مع هالمجموعه الي بستخدمها لتحت عيني ما  أقلكم أنها أفضل مجموعه جربتها لدحين حقيقي وينها عني من زمان خلاص ماصار في شي اسمه هالات الحمدلله تغطيتهم Full coverage .

• كونسيلر pro longwear concealer من ماك /

  أفضل كونسيلر جربته من ناحية انه مايكتل لكن ما أحبه لوحده لازم أحط فوقه كمان أضاءه .

• أضاءه TOUCHE ÉCLAT من سان لوران /

يعطي اضاءه جميله لتحت العين لونه أصفر يناسب البشره الحنطيه لكن لازم فوقه بودره فاتحه عشان تثبته .

• بودره من مكياجي هي أساس /

هي أساس بودره بس جدا ناعمه و خفيفه و فاتحه فا أستخدمها تحت عيني حتى أثبت الكونسيلر , وااو الصراحه ما أتوقعتها تكون جدا حلوه زي كده أول مره أستخدم شي فاتح لتحت عيني و ماراح أبطل الصراحه لأنه يبين مكياج  العيون أوضح و أحلى لازم تجربوا بس مو يكون أبيض تحت عيونكم طبعا للحنطاويات الاضاءه الصفرا هي أفضل شي و مافي أي فلاش يبين ولا حاجه , حبيييتهااا مرره ولا تتكتل .

• ماسكارا Baby Doll Mascara من سان لوران /

هي عينه الصراحه , أنا مو دايما أستخدم مسكارات غاليه دي حبيتها , تعطي طوول أكثر من كثافه لكن فيها كثافه برضو و الحلو فيها توصل لأصغر الشعرات بسبب فرشتها النحيفه تعطيك لوك spidery lashes مشعتر كده مو كثير يحبوا لكن معرف حبيتها وحسيتها تفتح العينو أول ماتنسألي عن نوع المسكارا الي حاطاها لازم تحبيها هههه .

• روج Riri Woo من ماك /

حقيقي أفضل لون أحمر + الدرجه الي من جد تبغيها و مطفي حلوبكل المقاييس أتعب أقول حلو , ينفع لمكياج خفيف مع مكياج سهره مناسب لكل الوقت .

• كحل أسود من ايستي لودر estee lauder /

أستخدمه داخل العين من فوق عشان يبين رموشي كثيفه , و مرات لمن مافيا أحط مكياج كثير أحطه و لونه أسود مايبين أنه كحل و مره كريمي .

أخر المفضلات بتكون مدينة دبي الصراحه رائعه و متجدده دايما , كل ما أرجع القى اماكن جديده ما رحتها لسه , تحسي أنك في بلاد براا :P .

و بس هذه هي المفضلات ان شاء الله عجبتكم , ولا تنسوا تتابعوني في انستقرام و تويتر و شكرا لوصولكم للنهايه .