السلام عليكم و رحمة الله و بركاته
موضوع اليوم عن المفضلات و مبسوطه من نفسي الصراحه أني محافظه عليهم , دا الشهر حسيت المفضلات هي جاتني لوحدها و اتجمعت أستمتعت الصراحه و أنا أستخدمها , فا خلينا ندخل فيها .
- Banana Boat .
كالعاده نبدأ في اشياء الجسم , بما أنه قرب الصيف فا قلت خلني أستعد له بشوي تشميس و حركات عشان الحين شوي الجو أهون من الصيف فا يصير بالصيف يوم يومين بس أجدد اللون , فا لمن كنت بدبي لقيت بالسوبر ماركت زيت تشميس جدا مشهووور فا قلت فرصه أخذه , و اتشمست بموية بحر , و الصراحه انبهرت بالنتيجه على طول يديك على حماار حتى قريباتي دايما يقلبوا رمادي مع دا في موية البحر أخذوا لمحة حمرا كمان , و رخيص سعره و ممتاز لو رحتوا دبي أشتروا من غير تردد , و الحلو انه الزيت يرطب جسمك شوي لكن بعد التشميس لازم تحافظوا على الترطيب ولا ايش نبي بجسم متشمس بس مافي لمعه , و كمان حطوا اضاءه على جسمك لو لبستي مفتح , أنا موصيه على اضاءه من امريكا تستخدمها جينفر لوبيز فا ممكن تشوفوها في مفضلات جايه ان شاء الله .
- MAC Studio Fix Fluid Foundation .
طبعا بعد ما أتشمست رجعت لأساس قديم لأنه لونه يمشي أكثر من الاتش دي حقي , و رجعت وقعت في حبه مع أنه مازال ثقيل بس مرات أخففه بمرطب الوجه حقي , رائع في الصور أحسه يعطيني توهج أحبه لكن أنتبهي تستخدمي متواصل لأنه يتعب البشره , و هنا أول ريفيو بالمدونه كانت عنه .
- Make up forever Sculpting Blush #24 .
بما أنه موضة الربيع الارواج الاورنج , فا لمن أحطه ما أحب أحط بلاشر فيه لون مع أنه دارج الاورنج كبلاشر فا لو حطيت بلاشر اخفف في الروج و كده , فا كنت طايحه في الروج فا حبيت يكون بلاشري معتدل يعطيني لون لكن في نفس الوقت ما يلفت انتباه عن العيون او الفم و كمان في شوي لمعه ذهبيه فا جدا جميل أنا طايحه في البلاشرات الي فيها لمعه مدري ليش , و كمان صغيرون ما يأخذ مساحه في شنطه المكياج .
- Travalo .
تعرفي لمن تحبي كلونيا و تشتري أكبر مقاس , بعدين تتورطي لمن تروحي عزومه أو فرح تكون الشنطه صغيره و ماتقدري تشيلي معاك و بما أنه مع السواق و ماراح أحط الكلونيا في السياره فا هذا الاختراع الجميل تعبي من نفس كلونيتك و تاخذي معاك و قد الاصباع و فادني كثير في السفر و كل مكان الصراحه , و مره أضحك على الناس المساكين الي مازالوا شنطهم محشيه مره مشهور عند اليوتيوبر و حمسوني عليه .
- 21forever Necklaces .
و أخر شي أحلى شي مو بس كل خرجة ألبسها حقيقي و غالبا مع ملابس بيضه أكثر شي و حلق مفتوح عشان تبان و تبرز لوحدها أحبها تناسبعزايم كبيره لبس كاجوال كل شي و حجمها وسط مو مره ضخمهبس برضو ما أحب أكثر أكسسوارات معاها , لونها و ورد جدا ربيعيه , الصراحه تويني ون في أشياء كثير حلوه , السلاسل دي موضه طالعه بقوه فا لحقوا عليها من دحين و أكيد بتشوفوا في مفضلات ثانيه وحده جديده لأني أكيد حروح أشتري ان شاء الله .
مما قرأت أعجبني ...
If we could take selfies of our SOULS, would you find it attractive enough to POST ?
@Jadahdoll ( Instagram )
No comments:
Post a Comment
لأي استفسار أتفضلوا...®