ريفيو : ماك برو لونق وير كونسيلر / Review : Mac Pro Longwear Concealer

السلام عليكم و رحمة الله و بركاته 

ريفيو عن محبوب كثيييير من اليوتيوبر و المدونات لمن نتكلم عن الثبات , فا التجربه خير برهان , قلت أجرب بنفسي و أشوف هل يستحق كل هذا الثناء ولا لا , ماك من أكثر الماركات الي فيها تنوع مره كثير و تلبي احتياجاتك من الضروريات بكل كفاءه الصراحه.

طبعا حتلاقي في كل محلات ماك , سعره كان ب 107 ريال و غالوا أسعارهم ماك و صار 112 ريال / سعودي , يحتوي على 9 ملم , درجته NW 35 , قوامه سائل جدا و خفيف , ثباته عالي جدااااااا , أنا أحب أدمجه بفرشاه الاساس النحيفه من ريل تكنيك و قليل منه تكفيك , مميزاته تغطيه عاليه تحطي و تثقي فيه أنه حيجلس لين ترجعي , ما يخطط مع الوقت حتى في الحر جلس معايا رحت السفاري و رجعت و مازال زي ماهو , في ناس تقول أنه ضد المويه بس مو مكتوب عليه و أنا ما جلس معايا الصراحه يمكن قصدهم مويه شويه المهم نجي للعيوب طبعا الشي الي الكل يشتكي منه هو صح في مضخه بس ابدا ماهي ميزه لأنها مره تخرج كثير يعني لازم في منتج ضايع كل مره و يسبب أنه يتجمع منه على المضخه فا ينشف عليها فا لازم أنضفه بمناديل دايما , علبته زجاج فا سمعت كثير بنات أنكسر عليهم أنا الحمد لله ما أنكسر بس يعني أنتبهوا , ما حبيته في التصوير أو أحسه يبين بعض من الهالات في التصوير بس لكن في الحقيقه لا فا حيرني فا صرت أحب أستخدم معاه كونسيلر ثاني للاضاءه و بودره فاتحه و طلعوا ممتازين حتلاقوهم في مفضلاتي هنا _____ خلاص أختفت الهالات السوده الحمدلله بس لوحده ماحبه و لازم مصحح تحته طبعا زي كل الكونسيلارت الي أستخدمها , في النهايه تشتري ولا لا أشتري من غير تفكير ولا تردد , برجع أنا أشتري ايه طبعاااا أفضل كونسيلر أستخدمته لحد الان و مافي أحد زيه ليته كان عندي أيام كنت بالجامعه , أنصح فيه ؟ كل ما أشوف وحده تعاني من الهالات راح اقلها عليه حقيقي يستاهل كل ريال , اذا قلب معك رمادي مو منه بسبب أنك أخترتي درجه فاتحه عليك خذي لونك أو أغمق بدرجة لو هالاتك غامقه و فوقه حطي كونسيلر أفتح عشان ترجعي لون بشرتك أنا عني أنصح لو كنت حنطيه و عندك هالات خليك مع درجات NW30 و طالع , و ان شاء الله ييعجبكم و ما يخيب ظنكم .

                              

التقييم /
A