السلام عليكم و رحمة الله و بركاته
كيف حالكم ؟ و كيفكم مع الأجواء الحلوه و المطره أتمنى تكونوا بخير و الله يعوض الي أتأثروا , و يلا خلونا ندخل في ريفيو اليوم من ماركة لورا مرسييه زي ما وعدتكم بانستقرام عن البودره السائبه أو المنثوره لاضاءه تحت العين فقط , أخذتها من محل بلومنقديلز في دبي مول , سعرها 99 درهم / اماراتي , تحتوي على 4 جرام من البودره , متوفر منها لونين كان في المحل واحد مايل للابيض و الثاني أصفر خفيف أنا أخذت الاصفر رقم 2 الموظفه قالت أحسن لأني حنطيه بس لمن رجعت البيت لوحدها باينه أبيض بس جنب الابيض تبين شوي صفرا .
حقولكم وصف للمنتج : فيها ماده السيلكا يعني ماتدخل في الخطوط تحت العين تشبه البودره البيضاء من ميك أب فور ايفر فا ملمسها تحسي بيدك مو زي البودرات العاديه أنا شعورها يقشعر جسمي احيانا هههههه, فيها ذرات من القليتر تنشاف بالعين المجرده لكن أول ماتحطيها تحت عينك يكون فيها لمعه بسيطه و تختفي أول دقيقتين يعني لا تخافي ابدا بالعكس هذه الذرات الي تعكس الضوء و تنور المنطقه .
مميزاتها علبتها صغيره لكن حجم المنتج بداخلها كبير و تجلس معاك ممكن سنتين ماتخلص أنا ليا كم شهر بستخدمها و كأنها جديده بالنسبه لسعرها ممتاز , علبتها سلسه , فيها فتحات حمايه تخرج لك كميه مناسبه على سطح العلبه و نصيحه شفتها في النت بس ليتني شفتها قبل أنه لا تشيلي ورقة الحمايه من الفتحات بس بسكينه او إبره أفتحي فتحتين حتى ما يتعبى السطح ببودره كثير, ما تنشف منطقة تحت العين و تثبت الكونسيلر أغلب الريفيوهات زمان الي شفتها كانت تحط كميات قليله بس أنا الصراحه طريقتي أحط كميه كبيره و أخليها شويه تحت عيني بعدين أطبطب بالفرشه حتى ينشال الزايد بس يختلف من بشره لبشره طبعا لو بشرتك جافه راح تحتاجي كميه أقل , تعطي اضاءه بسيطه تحت العين فا مناسبه للبنات الي تبغى تحت عينها فاتح بس مو الي يبان من بعد متر , تخلي تحت العين أملس لأنه جدا ذراتها صغيره , ما تعكس الفلاش .
عيوبها , طبعا الحوسه يعني أحطها و بعدين البس لبسي بالذات لو لبسي أسود ألاقيها منثره بس دا عيب في كل البودرات السائبه , اضائتها للبنات الحنطيات تكون يوميه يعني مو لمناسبه و تبغي مونتور و هايلايت قوي , للبنات السمر ما تنفع شفت ريفيو أنه في لون للبشرات السمراء بس في دبي ماكان متوفر يمكن بس بالخارج , ثباتها متوسط مرتفع بس ماتوصل لثبات عالي , أحسها لمن أحط هايلايتر أصفر تحت عيني تخففه و تطفي و دا شي طبعا ماعجبني ، ماتعطي تغطيه ابدا يعني خفيفه ، و اخر شي مو حلوه للمناطق البيضاء في الوجه في الكونتور و الهايلات للوجه احس تطلعني مره بيضاء فا بس احطها تحت عيني و استخدم لوجهي بودرة شفافه ثانيه .
 |
| السواتش قبل الدمج و بعده |
بالنهايه نجي لأسئلتنا , هل تستحق ؟ لا الصراحه , الا لو كنت بيضاااء و مو لاقيه بودره حلوه و دختي خلاص جربيها , تناسب مين ؟ أنا أستخدمها لمن تجي وحده بيضاء أمكيجها تطلع ممتازه أو بنت حنطيه بس ماتحب كونتور و هايلايت كثير أنا عني أحب البنانا باودر , هل حرجع أشتريها ؟ لا أبدا في بودرات كثير تعطيني أضاءه أحسن منها و كمان في أرخص .
التقييم /
B
No comments:
Post a Comment
لأي استفسار أتفضلوا...®