و بدأت في ماركة ايلف المشهوره برخص أسعارها عند الكل عرب و أجانب منتجاتها كثير ما حبيت أخاطر كثير و قلت ابدأ على خفيف اذا تبغوا تشوفوا أيش أخذت منها كمان شوفوا موضوع مشترياتي هنا , طلبتها من أمريكا موجوده بالسوبر ماركت و الصيدليات , سعره 1 دولار فقط يعني 4 ريال / سعودي تقريبا حجمه 1 OZ , عباره عن أسفنجه زي القلوسات تنحط على عينك , متوفر منه 4 درجات لونيه مختلفه الي عندي اسمه Cheer لونه على بيج خفيف من اسمه , عمله يساعد على تثبيت و وضوح لون الشدو .
مميزاته أولها الصراحه سعره , سهل الاستخدام اشيله في شنطتي دايما للمكياج السريع , علبته عمليه لانه قبل كنت أستخدم ماك بينت بوت و لازم فرشه و حوسه , خفيف على العين ماتحسي بشي يلصق او ثقيل فوق عيونك , ما يحول لون الشدو يعني بعض البرايمرات لو كان ابيض مثلا يطلع اللون جدا صارخ فا وقتها لازم تحطي برايمر بيج حتى يطلع لون راقي و هاديء للشدو .
نجي للعيوب , هل وضح لون الشدو ؟ لا , هل ثبت الشدو ؟ ساعتين أقصى شي و يبدأ يتلاشى مع العلم انه جفني دهني و استعملته مع شدو غالي و شدو رخيص و نفس الشي , طبعا الثبات يعتمد عليك هل انت تحطي مكياج لمده طويله او لا لو لا فا راح يمشي معاك لخرجه بسيطه أما أنا أروح أفراح عزايم ما أبغى طول الوقت جالسه اعيد و اشيل هم مكياجي فا الثبات لمدة 5 ساعات شي مهم عندي , أول ما أستخدمته كنت أغطي جفني كامل فيه بعدين أوزعه فا عبال ما أطلع الشدو ألاقي صار خطوط أرجع أطبط عليه و أحط الشدو بعد فتره الاقي كتل , فا قلت خليني أحط شويه و فعلا مشي حاله حطي مسحه وحده و طبطبي بيدك و طبعا يعتمد على حجم جفنك , السؤال المهم يستحق ولا لا ؟ لو كنت بامريكا و مكياجك قليل حقولك خذي , لكن تاجره تعلي سعره ل 30 ريال مايحوجك الصراحه و فلوس شحن أحس حرام و تضييع فلوس ممكن تشوفي في أي ماركه محليه عندك , أنا عني أستخدمه في خرجات بسيطه جدا يعني عشاء مطعم رايحه أتفرج فيلم مع قريباتي محد حيدقق بس عشان أخلصه , و للبنات الصغار أنا مكيجت بنت صغيره لفرح فا جفنها دهني و الشدو ماراح يبين و بنفس الوقت ما أبغى لها شي جدا ثقيل و يبين فا حطيته لها مع شدو وردي و طلع مرتب و درجة اللون مو مبينه أنها حاطه كيلو مكياج , و أخر عيب أنه كل الكتابه عليه أتمسحت تماما من أول أسبوعين يمكن أكره أمسك منتج و مو عارفه أيش أسمه .
طبعا في بنات مدحوا ما يعني تضارب أذواق و لكن أغلب الي سألتهم و عجبهم ما يطولوا بالمكياج فا أكيد أنا حكون مختلفه عنهم لانه قلت أني خرجاتي غالبا تطول عن ساعتين
سواتش للمنتج /
سواتش للمنتج /
بعد الدمج يصير شبه شفاف
التقييم /
D
No comments:
Post a Comment
لأي استفسار أتفضلوا...®