السلام عيلكم و رحمة الله و بركاته
ان شاء الله لمن أنزل هذا الموضوع حكون في دبي و ان شاء الله أكون مبسوطه يارب و انتوا ان شاء الله تكون أجازتكم حلوه لو مو مسافرين تكونوا مع ناس تحبوهم , خلينا نتفق من البدايه أنه أنا حتى لو في سفر أحب أغير في مكياجي عشان التصوير و كذا أحب أشوف أشكال متنوعه لنفسي ههههه أنا كل شي أخذته حاولت أقنع نفسي أني أحتاجه , سألت في الانستقرام اذا أجازف و أجرب أشياء جديده فا كلهم قالوا لا فا قلت أجرب بس الاضاءه لتحت العين و نعمل كونتور و حركات فا بس هذا الشي الجديد و الباقيين تقريبا ضامنتهم ان شاء الله .
الاشياء مالها ترتيب معين الي يخرج أول أصوره فا نبدأ الحوسه , أول شي ضرووري جدا هو أي نوع مثبت للمكياج أو ميست يكون عندك لانك حتجلسي ساعات طويله ممكن مايمديك تعدلي مكياجك .
ثاني شي مكياج ضد المويه لأي نشاطات بحريه أو مسبحيه ممكنه , شدو و مسكارا كان في روج بس ضايع و مني لاقيته >< و الماسكارا في نهايتها بس تمشي الحال .
ثاني شي مسكارا من سان لوران بيبي دول أسمها هي جديده بس لو ماعجبتي أشتري مساكارا من هناك بس هي الجديده الموجوده .
الايلاينر الصراحه ماكان نفسي ألا في القلم بعدين فكرت فيها قلت الجل لاينر يفك أزمات فا خليني أخذه T_T و الكحل لأني أحب أكحل عيوني من جوا من فوق لأنه يعطي كثافه للرموش ان شاء الله فهمتوا .
أخذت بلاشرين و برونزر الوانهم دافيه .
الأرواج ترا دايما أخذ أكثر من كده و ما أستخدمه فا دي المره قلت حا أخذ أحمر ليش ؟ لأنه جديد و لونه فزيع و قوي و أنه ربيع فا ليش ما أحط شي قوي فا أخذت ريري وو و أخذت لحمي و أخذت روج و قلوس أحب ادمجهم مع شويه من الاحمر و يطلع لون غامق شوي حلو فا حقتت ثلاثه مزاجات فاقع و وسط و لحمي كويس صح ؟
أخذت محددين ليش هو معرف بس الاحمر أحبه مع الاحمر و اللحمي قلت يمشي مع الكل لانه أبغى الروج يجلس لأطول وقت ممكن .
و طبعا برايه .
نجي للكونسيلر هو كأنه مجبس بس لأنه الغطا ضاع و مافيا الشنطه تنعدم , و أضاءه توش ايكلا .
عدساتي .
شدو حواجب .
أساسي المفضل و الموثوق برضو مجبس و ملاحظه عيب في علبة الاساس هو بلاستك و ماكان عاجبني فا طاح و انكسر الغطا و السفره الي قبل انفك و انعدمت الشنطه و دحين ضاع هو احسن لانه وجوده زي عدمه فا ماله حل الا التجبيس .
برايمراتي شي لازم طبعا للوجه و العين .
موس فجأه هههه .
الشدوهات أخذت بنيات و أخذت عودي و برنزي و اخذت رمادي عشان يكون عندي لون بارد و أسود وحيد بحاول أدخله في علبه ماك اذا رضي , الصراحه الكواد مره شي عملي ولا تتعبي في تنسيق الالوان ولا اي شي أنصح تبدأي في شي زي كده لو كنتي دوبك مبتدئه في الشدوهات .
مصحح الهالات .
أخر شي العلب الصغار فيها غسول للوجه و كريم يسيطر على الزيوت او الدهون أحب أحطه لو رحنا مكان مفتوح في الشمس و أخر شي أضاءه هي مره كبيره لو تتابعيني في انستقرام أكيد شوفتيها في اشيائي الي مره أحبها فا أخذت منها شويه الي يكفيني .
و البودرات اثنين وحده لتحت العين فاتحه و هي تحت التجربه و الثانيه لبقية الوجهه .
و خلصنا المكياج الحمدلله هو باين كثير و طويل بس هو خطوات وضع المكياج الصحيح ولا موو هههه , و شويه زياده مجانا قلت أحط الشنط الباقيه الي شايلتها .
الشنطه الثانيه فيها العنايه أول شي الصراحه مره مكسوفه أني صورته بس لأني غيرت ماركة مزيل رائحة العرق و ندمت أشد الندم فا رجعت لهذه الماركة ليا سنين أستخدمها و فنانه و أثق فيه طول اليوم ولا تغير لون المنطقه ولا شي , مرطب أخذت الي في وجهي و قطن لازالة المكياج مرطب للوجهه و العين , العلبه الصغيره فيها مزيل المكياج من بايوديرما و مساكه او بكله او شباصه .
و شنطه صغنونه فيها أنا أسميها قطاطه و محد يقولها الا عيلتنا أظن ههه اسمها الثاني قصاصه , مبرد ماتعرفي متى تحتاجي , أعواد أذاني و شباصه او مساكه أخرى أعتقد كل مااشوف وحده أدخلها و اقول احتاجها .
و انتهينا من جد الحمدلله على سلامتكم للنهايه , الشنط برعاية فيكتوريا سيكرت , باقي شنط حق الفرش و حق الاكسسوارات لكن حقيقي لو صورتهم كان ما انتهينا بس تقريبا أنا أحب ارتب كل شي في شنطه لوحده .
مواضيع سابقه :
No comments:
Post a Comment
لأي استفسار أتفضلوا...®