مشترياتي من دبي و الدوتي فري 3 / dubai Haul

بسم الله الرحمن الرحيم 

كيف كانت أجازتكم ان شاء الله أرتحتوا و انبسطتوا فيها , أنا و لله الحمدلله كانت سفرتي حلوه و ما كنت أبغى أرجع الصراحه , طبعا سفرت دبي ماتكتمل غير لمن أشتري من المطار و ليش المطار لأنه أرخص من أسعاار السوق فا أحب أشتري عطورات و مكياج الماركات الغاليه حتى أوفر شوي .

النصيحه الي أعطيكم هي تكونوا عارفين أنتوا أيش تبغوا لأنه هناك كل شي قدامكم راح تحتاروا فا الأفضل تكتبوا لسته و تروحوا تاخذوها سريع سريع لأنه وراكم رحله .

نبدأها أول شيئ بالمكياج لانه هو المهم , بدايتنا خلص أساسي و مره كان نفسي أجرب أساسات ديور و لا أبغى أعيد شيء قديم قد جربته , فا بما أنه أسعارهم كانت جدا رخيصه على أساس من ماركة غاليه فا أستغليت الفرصه و أخذت نوعين و لونين مختلفه واحد نفس لوني و واحد أغمق سعر الواحد 154 درهم و عليه تخفيض و صل أظن 135 درهم يعني أرخص من ماك و ميك اب فور ايفر 

بعدها كنت حاطه ببالي بودرة ديور الي أتكلمت عنها حنان النجاده لونها وردي و دايما تستخدمها للوجه و مين مايحب مكياج حنان النجادة فا على طول يوم شفت سعرها حلو أخذتها كانت بـ 170 بعد التخفيض بـ 150 درهم .

أخذت برونزر من جورجيو أرماني فيه شوي لمعه بـ 154 درهم .

و بس بعدها ندخل في العنايه طبعا انتوا عارفين أنه أشياء العنايه مرره غاليه فا قررت أخذ كل شي من المطار أرخص لي أول شيء و أهم شي هو سيروم ايستي لودر تكلمت عنه قبل كده هنا

سعره لل 50 مل نفس سعر الـ 30 ملل هنا و سعره كان 339 درهم .

كمان أخذت الخطوات الثلاث من كلينيك للبشره الدهنيه تجي غسول و تونر و جيل مرطب كل بشره لها خطوات فا أختاروا الي يناسب بشرتكم سعرهم كان ب 470 صار ب 376 درهم و كلهم الحجم الكبير .

و بس نجي للعطور أخذت من روبرتو كفالي عطر Nero Assoluto سعره 313 درهم , و أخيرا عطر للشعر من شانيل كوكو شانيل سعره 144 درهم السنه الي فاتت كان بـ 180 فا كويس أنتظرت و أشتريته دي السنه و برا بـ 220 أظن .

أتمنى الموضوع فادكم و حبيتوا أتمنى لكم أسبوع مليء بالنشاط و السعاده و أذكروني بدعوه حلوه 3> >

مواضيع لمشترياتي السابقه من دبي :

1- مشترياتي من دبي ( سيفورا - سماش بوكس - ايربن ديكاي - ايلاماسكا - بوبي براون - توم فورد ) Shopping in Dubai

2- مشترياتي من دبي 2 و الدوتي فيري / Shopping in Dubai