بسم الله الرحمن الرحيم
كيف نهاية الأسبوع معاكم ؟ ان شاء الله تكونوا مبسوطين , اليوم موضوعنا حقيقي جدا كنت متحمسه أنزله لكم لأنه لاحظت فرق شاسع في قدمي كلنا نعاني من خشونة القدم و تشقق القدم و دائما نحاول نلقى لها حلول , و الصوالين تجاربي معها ما كانت كويسه غير كده مصرفه , فا الناس الي على ميزانيه محدده أو يكونوا يحبوا يعملوا بنفسهم كل شيء , راح أوريكم منتجات و خطوات جدا سهله للناس الكساله مثلي هههههه .
الطريقه أعملها مره كل أسبوع أو أسبوعين حتى تتجدد القدم , في وحده أتذكر قالت لمن توقفي ترجع قدمك مثل ماكانت و أسوء , يعني أكيد راح ترجع لو أهملتيها هو مو سحر مره وحده تسوي و خلاص يجلس للابد و مارجعت أسوء الحمدلله سافرت و رجعت تركتها 10 أيام و أكثر مااصار شي و لا تقشرت قدمي ولا شيء الحمدلله.
مقشر القدم من هيمالايا
يعقد هذا الشي هو لوحده بس ولاحظت فرق بقدمي ,الطريقه أبلل قدمي و أحطه و أحرك بطريقة دائريه على كامل القدم من تحت و فوق ممكن تخلي 3 دقايق كمان على رجلك , بس أنا عني أغسله طوالي فا يقشر الطبقه و تحسي بنعومه و انتعاش و ريحته حلوه .
جهاز تقشير من شول
أنشف قدمي , و ابدأ بالجهاز و أمشي على قدمي من تحت فقط ما أكثر حتى ما أنجرح و حقيقي نعومه مووو طبيعيه منه , و تشوفي الجلد الناشف يخرج حبيته مرره .
كريم مرطب خاص بالقدم
كريم القدم يكون أسمك من الكريمات العاديه الثانيه هذا حلو بس مو أنه واو بس يؤدي غرضه , بس في أحلى منه بس الفكره أنه لازم و ضروري أنك ترطبي بعد التقشير لاتستخدمي المقشر لحاله راح تجف قدمك زياده .
تغطية القدم
و أخيرا قبل النوم أدهن الكريم و ألبس الشراب , حتى تتشرب الكريم القدم و كل يوم رطبوا و غطوا رجلكم .
و بس هذه الخطوات البسيطه للاعتناء بباطن القدم , مع تقليم للأظافر أكيد و هكذا بس حبيت أنقلها لكم لانه جد شفت تغيير , مو لازم تلتزموا بنفس المنتجات بس الخطوات حلوه و اذا تبغوا نفس المنتجات برضها ممتازه و انصح فيها , أشوفكم على خير ان شاء الله و لاتنسوني من دعواتكم في ظهر الغيب اذا أستفدتي ولو جزء بسيط مني .
No comments:
Post a Comment
لأي استفسار أتفضلوا...®