بسم الله الرحمن الرحيم
شهر جديد و نفسيه جديده و متجدده ان شاء الله دايما , مفضلاتي هالاسبوع يعني شيء مو بس لهشهر لاااا للحياه مفضلات حياه حقيقي يعني تعيدي تشتريها مره و اثنين و ثلاث , منتجات تقدري تقولي صح عليها هههه شغل تمام و ثبات , فا خلونا نشوف أيش مجمعه مفضلات للشهر مارس الجميل جدا .
من أحلى المفضلات مدينة دبي والله جمال و حريه محد يملي عليك أفعالك تسوي الي تبغي و تلاقي الناس بحالها محد يطالع فيك و يحكم عليك بنص عين , أستمتعنا بالأجواء و الالعاب المختلفه و النشاطات الي لكل سائح يلقى مراده فيها الصراحه .
المكياج
شدوهات توفيسد
الشدوهات بشكل عام مو هذه الباليت الشدو مايتناثر , واضح اللون , ناعمين جدا , مره أتحمست لاي باليت عندهم لانه الجوده هي كل شي .
anastasia dipbrow ( ebony )
شيلوا يدكم عن أي منتج حواجب ثاني على قولتهم ههههه , عجيب تركيبته لمن ينشف يصير بودره و جدا طبيعي أبدا مايصير خطين سوداء , و أجمل شي الي كنت أتعب أبحث عنه هو أنه مافيه أي لون بني ولو نقطه أنا شعري أسود و ما أحب حواجبي تكون بني مع أنه أغلب الخبيرات يقولوا أستخدمي بني بس أنا ما أحبه أحب اللون الرمادي و الأسود فا هذا مافي ولا نقطه بني يجنن و يستاهل الشراء و كميته كبيره .
Anastasia Beverly Hills Liquid Lipstick ( Pure Hollywood )
هذا الروج لوحده مو حلو بس أخلطي مع محداات مثلي يطلعلك مليون لون و مطفي جدا مستمتعه معه و حاليا حابته مع محدد ريميل رقم 7 تشيري كيس اسمه .
anastasia contour kit
ما أعرف كيف أوصف لكم أحلى كونتور بودر أستخدمته لحد الان ألوانه عجيبه الرمادي يعطي كسره و ظل و تحديد جميييل و الوان البرونز تمام و مناسبه , بكتب ريفيو مفصل عن كل منتجات انستازيا ان شاء الله .
المناكير
أول مره أجرب أخلط لونين بنفسي في البيت و جدا عجبتني النتيجه و انسالت عنها فا قلت أنزلكم هي , المفتاح في الدمج انك تحطي طبقه خفيفه من كل لون حتى مايتكل عليك , اللون الي طلعلي وردي فاتح على موف شوي تلاقوا الصوره بانستقرامي Raneem_ism
الأدوات
غراء رموش ( دايسو )
من دايسو دبي أشتريته بـ 7 درهم فقط أحلى شي في البلاستيك الي تحطي فيه يخرج كميه كويسه من الغراء لا أكثر ولا أقل و ماياخذ وقت طويل حتى ينشف ولا حسس عيني الحمدلله و ابدا ماهو ثقيل خفيف كانه ماء .
مما قرأت أعجبني ...
" الحب .. أجمل أوهامنا
و أكثرها وجعاً .. "
No comments:
Post a Comment
لأي استفسار أتفضلوا...®