بسم الله الرحمن الرحيم
تكملة سلسة الأشياء الي خلصتها كتبت قبل كده جزء عن العنايه تلاقوا هنا و اليوم بكتب عن المكياج وهو احلى جزء أكيد لأنه الصراحه بطبعي أحب أخلص اي شي حتى لو مو حلو أحارب معاه و أستخدمه بكذا طريقه بس بعد ما يخلص هنا يجي السؤال هل راح أرجع أشتري , الموضوع يعطيكم الزبده زي مانقول فا أتمنى لكم قراءه ممتعه .
الأساس
أساس كريمي من ماكس فاكتور / أظن أول أساس أشتريه في حياتي ههههه ماينطاق و لونه أبيض و يقلب رمادي / أرميها .
أساس HD من ميك اب فور ايفر / أحبه و أشتريته مرتين و ممكن أعيده مناسب للتصوير تغطيته مناسبه مايكتم ولا يتعب بشرتي / اعيدها . و هنا ريفيو كامل عنه .
أساس من بوبي براون / كان حلو بس معطر فا ما أتوقع أشتري في القريب العاجل / أرميها .
-----------------------
الكونسيلر
بوبي براون / صعب التعامل معه شوي يلصق كده ما أتوقع أنه يحتاج التعب حقه و البودره ابدا ماحبيتها الي تجي معاه للتثبيت / أرميها .
نيكس / يعتبر من الماركات الرخيصه الممتازه ثباته و تغطيته متوسطه بس لسعره كويس بس أفضل أدفع في كونسيلري أكثر و أضمن ثبات و تغطيه أكثر / أرميها و هنا ريفيو عنه .
ماك ستديو فينش كونسيلر / أنا أشوفه ممتاز بالذات للحبوب و تنظيف الحواجب و اشتريت منه ثاني / أعيدها و هنا ريفيو عنه .
ماك برو لونق وير / ممتاز مايخطط تغطيته أحسها متوسطه ممكن بس ممتاز من أحلى الكونسيلارات الي جربتها / أعيدها و هنا هنا ريفيو عنه .
---------------------
كونسيلر / أضاءه
توش ايكلا من سان لوران / ممتاز و حلو يعطي اضاءه جيده مايكون مره ثقيل بس يبغاله دمج كويس يعيبه سعره غالي على كميته / أعيدها .
دريم لومي من ميبلين / بديل أرخص و حلو خفيف على البشره لونه مائل على البيج الزهر مو أصفر بس بديل أرخص لحق سان لوران / أعيدها .
------------
المصححات / الكوريكتر
-------------
البرايمرات
سماش بوكس / بشكل عام أغلب برايمراتهم ممتازه و جدا مشهورين فيها جربت نوعين و الاثنين ممتازين و عيني على الثالث / أعيدها و هنا ريفيو عنه .
---------------------
البودرات
اتش اند ام / حلوه للبنوتات الصغار الوانها محدوده بس ناعمه و حلوه و سعرها جدا مناسب بس أنا كبرت و بشرتي تحتاج شيء أقوى / ارميها .
ماك منرلايز سكين فينش / حلوه تعطي نضاره للبشره ابدا ماتسطح الوجه ولا تكتمه / أعيدها و هنا ريفيو عنها.
----------------------
بلاشر / برونزر
برونزر جيرلان / ناعم و حلو بس غالي جدا / أعيدها .
--------------------
أرواج
ميك اب فور ايفر / مطفي و جدا مشهور و لونه حلو مرره / أعيدها .
-----------------
المسكارات
ريميل البرتقاليه سكاندل ايز / تسيح علي فرشتها كبيره جدا ما صدقت متى خلصت عشان / أرميها .
ميبلين الموف الفاتح / ضد المويه ثابته الصراحه بس نهاريه ماتعطي لا طول و لاكثافه بس انه في مسكارا / أرميها .
كفر قيرل البرتقاليه / حلوه بس أشتريت منها من كثر المدح و انه مافي زيها و جيبي مليون حبه حلوه صح و تكثف الرموش و فرشتها حلوه بس في هنا أحلى منها بكثير و مثلها ما يحوجني اشتري من برا و كده / أرميها .
لانكوم دول ايز / حلوه أنها تطول و تفتح العين مع مكياج خفيف بس أنا أدور كثافه أكثر من تطويل فا / أرميها .
مايبلين ون باي ون / أحبها جداا تعطيني كثافه و طول و فرشتها جميله أشتريتها كم مره / أعيدها و هنا ريفيو عنها.
-------------------
و بس أنتهى الموضوع أن شاء الله كان شامل و خفيف ظل , لاتنسوني بدعوه حلوه منكم .
No comments:
Post a Comment
لأي استفسار أتفضلوا...®