بسم الله الرحمن الرحيم
نوصل لاخر ريفيو في منتجات انستازيا وهو جيل الحواجب , أشتريته من موقعهم , سعره 18 دولار , حجمه 4 جرام , و صالح لمدة 6 شهورأشوفها جدا قليله , درجتي هي Ebony , لونه بني محروق .
مميزاته , كريمي , بس مو صعب التعامل بالعكس متماسك تقدري تحطي كمية مناسبه يعني سهل الاستخدام , يقلب بودره على طول ولا يبين انه حاد زي باقي التاتو منتج أشوفه فريد من نوعه من جهة التاتو طبعا , اللون الي عندي مايل للرمادي بني رمادي مافي ولا درجة أحمرار و دا الشي أشوفه ميزه كبيره لاني مااحب اللوان الدافيه في الحواجب لانه شعري أسود فا أحب حواجبي تكون قريبه من لونه , علبته حجمها متوسط و كمية المنتج جدا كثيره مااأتوقع أخلصه بسرعه , ثابت مايتحرك , ضد المويه , علبته تنقفل مضبوط , و ثقيله مو بلاستيك .
عيوبه , العيب ماهو عيب بس أنه لازم تدمجي بسرعه لانه ينشف و يتحول بودره بسرعه خياليه هههه , لاحظت أنه ينشف بعض من المنتج من الاطراف محل مااخذ بالفرشه و يصير كده متجمع و ناشف أظن من الهوا فا ممكن سوء أستخدام مني ههههه , مع الوقت الثبات للناس الي ماعندهم شعر بحواجبهم يعني راسمين على الجلد لاحظت اللون خف شوي مع الماء غير كده ثابت .
بالنهايه السؤال المهم نعم المنتج عجيب و حلو أكثر منتج للحواجب أستمتعت معاه من حيث الشكل و الاداء و اللون اللون حقيقي تعبت لين لقيت شي مو بني محمر فا يستاهل الشراء , و أنتهى المارثون حق المنتجات أتمنى يكون لاقى أستحسانكم و عجبتكم أكتبولي بالكومنت ايش تحبوا تشوفوا مواضيع , أتمنى لكم يوم سعيد .
التقييم /
A .
No comments:
Post a Comment
لأي استفسار أتفضلوا...®